الجمعة، 12 أغسطس 2011

الحلقة الاخيرة ... جمعة الخلاص

صباح النعناع عليكم جميعا

دى هى اعادة الحلقة ما قبل الاخير والاخيرة كمان

يا رب تعجبكم

ويا رايت تكونوا عارفين انه والله العظيم دى تانى مرة اكتب الحلقة دى ونفس الكلام وكل شئ عدى السطر ده

اصل المرة الاولى اتقفل الصفحة

واء هعيد تانى

بس يلا هى دى جمعة الخلاص

\-\-----------------------------------/-/

هدير صحبتى المبجلة المحترمة

راحت لعبد الله وقال له انها بتحبه

وعبد الله اكد ليها العكس وانه مش بيحبها خالص

وحتى هى لما انا قولتت ليها انتى بتحبيه بجد

قالت لا

طيب يا بنتى انتى قولتى له كدة ليه

انتى كدة بيعتى همسة

قالت وبكل برود اعصاب

هدير : ما انتى مع خالد وهى مع عبد الله
انا مع مين .. حسى بيا يا هاجر

انا : احس بأيه بالله عليكى .. وخالد ماله .. انا وخالد مش متصاحبين

المهم وصل الحوار لطريق مسدود

وبعد الحوار ده عدت فترة كبير اوى بدون ما نتكلم

وبدل ما اقلل من المصاحبين زودت عليهم واحدة

يلا الله يهديها

وصلنا فلى الفترة دى لايام المراجعة النهائيه

والامتحانات
ووصلنا الحقيقة لشئ رائع ونتائج مبهر مع بعض المصاحبين

ايمان مثلا ... معدتش بتصاحب


:)

وكان السبب فى كدة

انها اخذت اكبر ضربة فى حياتها

لما قابلت اخر صاحب ليها فى الشارع وهو اول ما شفها
هى جرت عليه وهو قالها معرفكيش يا حلوة

ضحك عليها كل زمايلنا وده جرحها اوى الصراحة

"قال يعنى عندها دم"

وساعتها جرى عليها خالد وراحوا اتكلموا وجت لينا تانى وقالت انا اعلن انى مش هصاحب تانى

انا فرحت اوى اوى بجد لكدة

بس الفضول بيأكل فيا حتى الان انى اعرف ايه اللى حصل بينها وبين خالد خلاها تقول كدة


اما ليلى ... لولا


اتشاكلنا شكلة جامدة جدا وطبعا كان مؤمن فى صفى

اصله تعبان نفسيا منها

بس طبعا ليلى هى ليلى
لن تتغير ابدا :(

وسمر بقى .. فاكرين سمر

ف مرة صاحبت 6 فى وقت واحدة
وساعتها الهدايا زادت اوى

فمامتها عرفت
واترنت "اخذت" علقة "مجموعة من الضربات المتلاحقة .. غالبا من الام .. وغالبا بالشبشب"

وسمر بقى لو تفتكروا انا قولت لها ابعدى عن الصحوبية تماما وابعدى عن الناد وغيرى رقمك كدة هتبعدى

طبعا هى رفضت

بس دلوقتى بى اجبارى الخيار ده بالنسبة لها

هدير
زى ما قلت فى الاول ربنا يهديها

همسة
بتحب ^_^

عبد الله

نتيجة طبيعية للى فات
بيحب ^_*

اما انا فقررت انتحر بعد حوارى من هدير .. قرار نهائى

طبعا كلكم هتقولوا مش سبب مقنع للانتحار

بس اخر حوارى مع هدير كان

قالت : متحاوليش يا هاجر ما انتى مصاحبة

اّه يا ربى انا اللى بحاول اهدى الناس
اقوم انا اصاحب
المهم فكرت فى الليست
حققت حتى الان بعض حاجات منها
بجد حتى شوفوا


1- تم ... Lose Weight To Be Like Mummy

2- لم يتم...bring my reality back

3- ياه تم من زمان ده... say i'm sorry 4 abd allah

4- بفضل الله تم ...make 5aled walk in the right way

5- لم ولن يتم... say i love u

6- ليلى عاملة الواجب وزياده ...have i fight with a bad girl

7- يعنى مقدمة على انتحار اتخيل ليه انا... imagine that .... no i think i will not imagine that

"no matter about 7"

8- اكل السلطعون الملوف برقائق المش عارفه ايه
لازم اجرب ده ... خخ القرف كله

9- وفين اصحابى... do something crazy with my best friend

10-كلمتى المفضلة دلوقتى.... saying i hate u

11- تم .. معملش رقم 8 فى الليست
12 - اتكلم بذوق مع الد اعدائى بين قوسيين خالد ... هههه تم
13- مستعجلش ابدا فى قرارتى وخصوصا فى انشاء صداقة مع حد وبرضوك بين قوسين خالد

.. تمت الصداقة ..

14 - انتحر بقى

ولسة بقول انا هنتحر "بصوت عالى"


ولاقيت ماما داخلة عليا

ماما : هو امتحاناتك امتى
انا : 29 يوم يا ماما

ماما : وخلصتى كام مادة ؟؟

انا : ولا واحدة

"اول مرة ماما تزعق ليا كدة"

ماما : والله وبالله قدامك اسبوع كل المواد تخلص
والا والله يا هاجر لهتتحرمى من الاجازة كلها

"يا ماما بقولك انتحار هتحرم هتحرم مش هتفرق"
.. ده فى سرى ..
انا : طبعا يا ماما

ومشت ماما

وعلشان اسيب عمل صالح قبل ما اموت

قررت انى ان شاء الله اجيب دجات عالية السنة دى

يعنى على الاقل انتحر وانا عاملة اللى عليا

جت الاجازة والاحوال مستقرة

وانا بحل بتفوق ماشاء الله عليا

كنت المفروض ابقى حاجة بقى

يلا وصلت لاخر يوم امتحانات

وحان موعد لقائى بالموت

فتحت البلكونة و وقفت على السور

ولسة بقول بسم الله


لاقيت عربية كبيرة محمله عفش داخلة الشارع

قولت خلاص اول ما تمشى العربية دى هنتحر

المشكلة انها مش مشيت

دى وقفت قدام العمارة اللى قصادنا

والمشكلة الاكبر ان اللى نزل من العربية

خالد وبباه :|

خالد : هو هل من التقوس ان اهل الشارع يقفوا على السور بالشكل ده .. ولا ده انتحار
اصل انا جار جديد
"ايه خالد جارى"

انا : انت عرفت منين

خالد : عرفت ايه ؟؟

انا : انى هنتحر

خالد : انزلى يا هبلة

انا : لا والله خلاص

خالد : انزلى
انا : قالوا عنى مصاحبه يا خالد
انا تعبت يا خالد

خالد : انا بحبك يا هاجر .. متسيبينيش


/-/--------------------/-/

تمت بحمد الله

^_^

السبت، 23 يوليو 2011

what ever i want when ever i do

فتحت المخبئ السرى وجيبت النوت

وهاتك يا كتابة

كلام كتير بعيد عن الليست كمان

خلصت الموضوع ده
قومت زى الشطورة

ذاكرت حبتين ودخلت نمت

مفيش مشكلة هى الحياة ايه غير نوم وشوية حاجات فوق بعض

صحيت الصبح وعلى المدرسة

وكان اليوم هو يوم الخميس اللذيذ

يعنى حصص الالعاب والفسحة اللى بتطول على غير عادة
وكلام كدة كتير

ورحت المدرسة ويا حلاوة الموليد

دخلت الفصل مفيش حد خالص فى الفصل

رحت للوكيلة

انا : معلش يا ميس فين الفصل
الوكيلة : مدرسة الحصة الاولى غايبة
ومدرسة اخذكم احتياطى فهتلاقى الفصل فى المعمل

"احكيلكم بقى عن المعمل فى مصر العزيزة"

المعمل يا افاضل يعنى مفيش تجارب ومفيش انفجارات ولا الجو ده

هو طربيزة عريضة وطويييييييلة اوى وتحتها
1- انبوبة بوتاجاز ميته
2- عشرين بنت على موبيل واحد بيسمعوا اغانى
3- مدرسة بعصاية بيحاول يصطاد البنات اللى فى رقم اتنين

رحت المعمل وكانت حصة زى الفل
وبعدها رجعت على الفصل وتانى حصة وتالت حصة

للاسف اتشرحوا
"اولا واخيرا انا طالبة ولعبية ومش بحب الشرح"

وباقى الحصص كانت اخر حلاوة

فى اخر اليوم روحت
ووصلت البيت
لاقيت المامو "ماما يعنى بلغت الاغريق :P" بترحب اوى اوى بيا
"على غير عادة"

ودخلت اوضتى "سبحان الله مترتبه اوى"

المهم كنت مهدودة من لعب طول اليوم ف المدرسة
فنمت
صحيت بليل واتغديت
ودخلت اذاكر
وخلصت المذاكرة وخرجت برة اقعد مع العيلة
فلاقيت غمز ولمز كدة
"لا ما هو اللى بيحصل لهم مش طبيعى"

انا : فيه ايه ؟؟

ماما : ايه يا جوجو

انا : بتتغاموزا و تتلامزوا ليه

ماما : ايه يا هاجر مفيش حاجة ما احنا قاعدين معاكى اهوه

المهم طنشت وفضلت قاعدة شوية

ودخلت انام
وصحيت تانى يوم على صوت ماما

وهى بتحاول تقطع احلامى كالعادة

ماما :هاجر قومى يلا هنقضى اليوم مع خالتك

انا : حاضر يا ماما

قومت بسرعة الصاروخ ولبست وجهزت حالى

ورحنا عند خالتى

معتز "فتح الباب"

معتز : كل سنة وانتى طيبة عبقال عشروميت سنة

انا : حبيبى ربنا يخيك عقبال بس ما اشوفولادك وياعتها مش عاوزة حاجة تانية من الدينا يا ابنى
اّه اّه .. الروماتيزم تعبنى

معتز: ماشى يا تيزه "الجدة باللغة التركية القديمة"

تسنت ليا الفرصة "حلوة تسنت دى" المهم تسنت ليا الفرصة انى افتح الكمبيوتر عند خالتى

وفجأة 93 بوست على الوول

shit !!

كل ده علشان عيد ميلادى

هرد انا على 93 بوست

حرام بقى =(

طبعا الجانب المشرق هو ان فيه ناس قالت كل سنة وانتى طيبة

بس الجانب المضلم هو كل الكتابة اللى المفروض اكتبها

كتير اوى

سبت الجهاز وقمت وانا قمة فى الاحباط والفرحة فى نفس اوقت

وجات خالتى الحلوة بطبق من رفع المعنويات
الكريم كراميل

اكلت وشبعت وليت البطن بتاعت انا

ودخلت لمعتز
انا : ميزوووووو ايه الاخبار

معتز : ردى انتى الاول

انا : حكيت له على القديم والجديد واللى راح واللى جه
وطبعا عن لولا "الشهيرة بليلى"

معتز كان له اغرب تعليق عن موضوعها

يا لهوى على اللى عمله

اولا فضل يضحك لنص ساعة

وبعد الضحك بدأ فى مرحلة "الرفص" والتى تعنى انه "بدأ يضرب برجليه ضربات سريعة متلاحقة"

وبعدها اتعدل
بعد ما اكلت ضربتين حلوين من رجله

بدانا فى حوار خالد

معتز : حلو خالد مش كدة

انا "والله بحسن نيه": اها .. قمر الولد مش اكدب عليك

معتز : وايه اخبار المشاعيير يا جوجو

انا : نعم يا اسطى

معتز : انا ستر وغطى يا اوختى قولى

انا : والله ما فيه حاجة
انا بس مبسوطة انه بقى حد كويس مش اكتر
وزيه زى عبد الله وزيك .. صحاب

معتز : يا جوجو

انا : حلفت يا معتز .. هكدب وانا قولت والله

معتز : ماشى يا ستى

ناديت خالتى لعزيزة علشان الغدا

والمهم قضيت اليوم لحد الساعة 8 بليل

واذا بجرس الباب وخلانى الاتنين التانيين جم لعند خالتى

وخالتى طلعت التورتة

وكانت اجمل ليله من ليالى العمر

روحت البيت ونمت بعد سهر فظيع
وكان اليوم التالى هو السبت يعنى لدرس المفضل ليكم كلكم

رحت الدرس بس مكنش فيه اى حاجة مختلفة غير ان ليلى مش بتتكلم معايا وايمان طبعا انتم عارفين الحوا القديم بتعها
وماهى فركش
وطبعا هم دول اصحاب اغلب المجموعة
فانا مليش فيه خالص

خلصت الدرس ولاول مرة اركز زى كدة

كانت حصة هادية اوى اوى اوى

رحت تانى يوم المدرس

وشوفت حد كان وحشنى اوى اوى اوى

فاكرين المدرس اللى كنت فى الرحلة بتكلم معاه

قابلته وفضلنا نكلم طول الفسحة

مجرد وجود المستر ده فى حياتى امر مريح

طبعا مش حكيت له حاجة لان الفسحة 10 دقايق

بس على الاقل اتطمنت عليه

^_^
بحبه اوى بجد

وايام عادية عدت

"عارفين احساسى فى الغالب كالانسان الميت .. ازاى الايام تعدى بدون احداث .. شكله سنة جديدة هادية"

وده امر مرعب
لانه لو عدت كده معناه انى انسان بلا تأثير

فين تأثيرى على الناس لو كل الناس بتتعامل معايا ببرود وفتور

"حلوة فتور دى :P"

ومكدبتش خبر

الحصة اللى بعدها

ايمان : الحلوة الجميل القطة اللى فتحت

انا : نعم

ايمان : لا مفيش بس احب الفت نظرك انه عيل اوى
وهيرميكى هيرميكى

انا : نعم !!

ايمان : انتى فهمانى كويس

انا : لا والله مش واخدة بالى

ايمان : خالد .. رمى الكل وانتى زى الكل فهتترمى

انا : والله خالد رمى الكل لانهم رمين نفسهم عليه
اما انا فمش كدة .. :|

ايمان : بكرة تقولى ايمان قالت

"جت منين الاخت .. نعم يعنى .. وايه اللى فتح حواره ده ، انا وخالد لما بنشوف بعض دلوقتى بنكشر اصلا "

يا ربى على دى كائن حى

اتصلت لما روحت بهدير
واتكلمت معاها شوية عن اللى حصل مع ايمان

وبعدها هى اتكلمت معايا عن موضوع مكنتش متخيلاه الحقيقة

وكانت تحت شعار

i can do what ever i want when ever i want

الأربعاء، 13 يوليو 2011

عجبى


ليلى : فى ايه يا مؤمن .. مالك بيا يا اخى .. ولا علشان مش عارف توصل ليا

"انا هنا بقى ووقعت"
فعلا ضحكت بدرجة مش معقولة للاسباب التالية :

"بدأ المفتش كورمبو"
اولا : المجنى عليه المدعى مؤمن مش بيصاحب

"هتفموا فى الحلقة اللى جاية .. مستكه وهو الشاهد الاول هيشرحلكوا بعدين"
ثانيا :ليلى وسمعتها سبقاها طبعا
كانت بتحاول كتير مع مؤمن


ثالثا وده الاهم : مش فكراه دلوقتى :P

بعدين بصراحة رنت فى ودانى اوى كلمه


(ولا علشان مش عارف توصل ليا)
اللى هو ايه سيادك يعنى

هو فيه بنت تقول كدة

ده انا فى عيلتى اللى هى عيلتى بيقولوا عليا قليلة التربية

طيب ما يجوا بقى يشوفوا ليلى
وساعتها هيعرفوا قد ايه انا انسانة مؤدبه


يا رب ماما تجيلى الدرس فى يوم وتشوف ليلى
بس برأيكم هى لو شافت ليلى
يبقى هتصعب عليها ليلى
"اّه انا عارفة ماما حنونة"

ولما تصعب عليها ليلى وتقول يا رب البنت دى غللبانه ومش لاقيه اللى يربيها

تقوم تتبناها
ولما تتبناها يبقى ليلى اختى بالتبنى

وساعتها ماما تربيها وتنسانى
وابقى انا مشردة زى ليلى دلوقتى

وبعد التفكير ده واللى جه ف دماغى فى لحظة
اكتشفت انى لازم اعتذر ليلى على اللى قولته عنها فى سرى

"هاه .. نتيجة الافلام الهندى"

نرجع مرجوعنا
طبعا بعد لحظات من الضحك الشديد
لاحظت الاخت ليلى ضحكى

هههاى قولت نكته انا سيادك

انا "وبكل وقاحة .. بتفشخر انا مش عارفة ليه" :لا قولتى كلام سخيف بيدل على شخصية اللى قايلة

ليلى : القطط الغمضة فتحت اهوه وطلع لها ضوافر
انا : والله نتيجة طبيعية للضوافر انها تخربش

ليلى : مش راده عليكى لانك انسانة ........
هنا ظهر الحق

مؤمن : ده اللى هو انتى يا ليلى

ليلى : الله الله .. مش انا اللى كنت بتجرى وراها ليالى

مؤمن : هنكدب ونصدق الكدبة يا امى ولا ايه
ورفع موبيله واداهولى

مؤم : ادخلى يا هاجر على الرسايل ومنها على ملفاتى
هتلاقى فايل كامل بأسم ليلى

انا : واو 39 رسالة

مؤمن : تحبى نقرأهم يا لولا ولا ننطش

خالد : خف يا حاج مؤمن انت بتتلذذ فى الانتقام ولا ايه

مؤمن : لا يعنى مش ليلى اللى تتكلم عن الادب والجو ده

ليلى طبعا اخذوها البنات اللى زيها ومشوا بيها بعد ما عيطت

كل ده بيجرى وقت والمستر فينه

فينه حبيبى فينه
فضلت انا اذاكر واذاكر واعيد على الكلمات
وعدى بالضبط نص ساعة على ميعا الس والمستر من جه
وانا موجودة قبل الدرس بربع ساعه
يعنى بقالى ساعة الا ربع فى الشارع
ناويت افضل ربع ساعة كمان وبعدها امشى

وتقريبا الكل زهق فبدأ البعض يمشى
وفضى الشارع على
انا وخالد ومؤمن وليلى والشله بتاعتها
وشويه ناس تانين مش اعرفهم

خالد : يا انسة

"انا كنت سرحانه اوى فى التفكير فى موضوع الربع ساعة والمرواح واللى حصل مع ليلى"

خالد : يا انسة سرحانه فوقى
مؤمن "بصوت عالى": هااااااااااجر

"الله يسامحك يا اخى كنت سيبنى نايمة شويه"

عارفين الشعور ده بتاع كنت سيبنى نايمة .. كان عندى الاحساس ده على الرغم انى كنت سرحانة

المهم

انا : ايه .. نعم ؟!

مؤمن : نعم الله عليكى بننادى من الصبح
خالد : عاوزة تتضربى

انا : انت تقدر ده انا كنت ..

خالد "قاطع كلامى" : مش انا ..لانى لو كنت عاوز كنت ضربتك

انا : خالد مش اصحاب احنا علشان نهزر سوا
خالد : عموما انا همشى وانتى مش تقعدى لوحدك قدام ليلى
يعنى يمكن تعمل لك حاجة

وقام هو ومؤمن
وقرب مؤمن منى قائلا : انتى كائن عجيب .. افهمى بقى

فمشيت انا كمان وبينى وبينكم ، صدقت انها ممكن تضربنى
فمشيت وراهم على طول
فلاقيت الحديث بتاعهم

خالد : فى ديلك يا برنز الليالى
مؤمن : لازق لازق بغرى

خالد : غرى بس ، ده امير من اللى بيلزق اللحم فى بعضة يا راجل
مؤمن : رخامة رخامة يعنى

"اراهن بمتين جنيه استرلينى ان الكلام ده عليا"

فانا شديت حيلى وسبقتهم وروحت على البيت

بفتح الباب على صوت التيليفون

انا : السلام عليكم . مين معايا

معتز : guess

انا : مين لقى الائه ينسى هجورته يا معتز

معتز : انا انساكى برضوك ده انتى حبيبتى الاولى والاخيرة

انا : حاسب يا معتز حاسب لحسن انا هصدق

معتز : عاملة ايه
انا : الحمد لله تمام . وانت؟!

معتز : الحمد لله تعالى
جوجو امال فين خالتو

انا : قول كدة متصل علشان ماما يا معتز مش علشانى ، اخص عليك

معتز : لا والله بس ماما عوزاها
انا: طيب هناديهالك اهوه

وناديت ماما ودخلت على اوضتى
ونمت ومش فكرت فى حاجة خالص
اصلا مليش نفس

افهمى يا كائن
ولزق بغرى
ليلى والفمسين فيلا
والتسعة والتلاتين رسالة
"اّه صحيح انا قرأت منهم "

الرساله الاولى

نفسى احبك حب تانى حب فية كل المعانى
حب يخلى غرورك يعلا ويخليك يا حبيبى انانى
عشان يوم ما تفكر تبعد او تنسانى ماتلاقيشاللي انت لاقيته

ترجع تانى.....

نفسى احبك حب تانى حبة فية كل المعانى
نفسي تعشق كل لحظة تعيشها جنبى وتفتكرها
يعنى اسيبلك ذكريات مستحيل تنساها بغيرها .. معشوقتك ليلى

اللى هو بقى :D

دى اصلا اغنيه لانغام

وكتير من ده
حوالى 7 رسايل قرأتهم

وبينى وبينكم اللى هيشلنى اوى اوى ان هى بتسمع انغام
وانا بحب انغام مينفعش ليلى تسمع انغام لا عيب بقى

نمت بقى وقولت مش هفكر كتير

صحيت بلبل على الساعة 12 قولت اذاكر حبة

بس افتكرت انى عندى موبيل

فبصبت على موبى
لاقيت رسالة
همسة : كلها يويمين يا جميل

وهدير كمان : يا رب بقى اكون اول واحدى تقولك كل سنة وانتى طيبة
اّه لسة يومين بس انا حابة اكون الاولى

"واو والله ما كان فى دماغى عيد ميلادى اصلا "

اترفعت روحى المعدنية شويتين
وقومت ذاكرت ونمت الساعة 3 الفجر

والساعة 7 الصبح

ماما : اصحى يا هاجر المدرسة

انا : ماما انا مش هروح

ماما : مفيش حاجة اسمها مش هروح

انا : ماما ماما انا اصلا مش عندى اعمال سنة يعنى ممكن اغيب براحتى

ماما : الطالب الشاطر مش يقول كدة

انا : وانا فاشلة صدقينى

انام يا ماما انا يا قلبى تعبت والله امبارح

ماما : من ايه يا هاجر

انا : كنت بذاكر طول الليل والله

وانتهى الحوار بأن ماما قلقلت نومى .. وفى الاخر مش رحت المدرسة

نمت حبة كمان
وصحيت فتحت الكمبيوتر
"غايبة بقى"

ولاقيت رسالة كمان على الميل

كل سنة وانتى اطيب الناس واكثر خيرا على الاطلاق
كل سنة وانتى جوجو الحلوة

ده كان عبد الله

والله الناس دى عظيمة

ده انا نسيت او بمعن اصح مش حاطة الموضوع فى دماغى

المهم بقى فتحت حبيبى الفيس بوء
لاقيت 15 add

واحد منهم خالد
فعملت accept

ولعبت حبة وقومت

عشت يوم رائع من الراحة والمذاكرة والتيليفزيون

وطبعا المذاكرة كانت الاوحش بس كان يومى حلو اوى

بليل فتحت الكمبيوتر تانى
ولاقيت على الوول بتاعى

"اخيرا بقى بقالى شهر وانا متعلق عندك فى الفرندز ركويست

يا راجل ده لو انتى انجولينا جولى "انتى احلى على فكرة" كانت عملت اكسبت"

ودى من خالد الساعة 4.10 العصر
وتانى بقى

"ايه ده عيد ميلادك بكرة كل سنة وانتى طيبة يا هاجر عقبال ما تشوفى ولاد ولاد ولاد ولادى :D .. يا رب على طول بخير يا هاجر :)"

ودى كانت الساعة 4:30

ساعتا بجد حسيت انه
خالد حد كويس :) :) :)

وعلى رأى حبيبى صلاح جاهيين

يا عندليب ما تخافش من غنوتك
قول شكوتك واحكى بلوتك
الغنوة مش ح تموتك
إنما كتم الغنا هو اللى ح يموتك

عجبى

انا هقول غنوتى بعد كدة

وقررت انى اضيف لليست حاجة

_________________________

تعرفوها المرة اللى جاية

الحلقة دى مش عارفة والله

مش حساها هتعلق معاكم بس والله انا اسفة تعبانة شوية ومش مركزة اوى

سى يو

جهاد محمد

الأحد، 10 يوليو 2011

ليلى والخمسين فيلا ^_*


خالد : لا كان عند حبيبتى

انا : يا ربى .. ايمان لا اله الا الله

خالد : والنعمة انتى هبلة يا هاجر

انا : ولا احترم نفسك هنتصاحب ولا ايه

خالد : لو حابة انا مستعد جدا

"تانى يا خالد اللى فيه داء عمره ما هيغيرة بجد"
وسيبته وبعدت خطوات

خالد : مش اللى فى بالك

واتجه خالد لعندى

خالد : اختى اختى كان عندها كانسر
"wow .. what a shut ?!"

انا : انا اسفة بجد لده .. الله يرحمها
خالد : never mind
انا حلقت شعرى زى فلم اسف على الازعاج لو شفتيه

كان لنفس السبب
هى كانت خايفة على شعرها
فانا حبيت اوريلها انه عادى تكون من غير شعر
على الرغم ان البنات بتموت ف شعرى

انتى نفسك بتحبيه ولا ايه ؟

انا : تصور انا غلطانه انى واقفة معاك يا كائن انت وتعاطفت معاك.. انا ماشية

خالد : والصداقة؟

انا : امممم لما اعرف ليه شاكلت ايمان المرة اللى فاتت

خالد : ببساطة معنتش بصاحب
انا : والمفروض انى اصدق

خالد : اختى ماتت
وده بسببى

انا : والله اللى اعرفه ان ربنا مش بيخلص حق حد بحد يا خالد

خالد : هه انا واثق يا هاجر انى السبب فكفاكى كلام عن الموضوع

انا : الله يرحم اختك .. وربنا يزيد ايمانك

خالد : ربنا يقوى ايمانى مش يزيده الايمانات كترم اوى كفاية اخر واحدة

انا : هه احيانا بتكون بارد

خالد : احيانا بحس بكدة

الحوار ده دار فى بدايته قبل الدرس وبعده

يعنى اقولك على سر صغيور

انا
a little bit happy :D
المهم فاكريين الحوار اللى حصل بينى وبين عبد الله

لما لمح لانى بحب خالد

الحوار ده مش سايب دماغى فى حالها ابدا

وانا بنصح عبد الله بالهدوء فى قراراته

اوف
life is hard

طيب فاكريين كمان الليست اللى هعملها قبل ما اموت
ويمكن انتحر

الليست دى لسة معايا وبزود عليها

1- Lose Weight To Be Like Mummy

2- bring my reality back

3- say i'm sorry 4 abd allah

4- make 5aled walk in the right way

5- say i love u

6- have i fight with a bad girl

7- imagine that .... no i think i will not imagine that

no matter about 7

8- اكل السلطعون الملوف برقائق المش عارفه ايه
لازم اجرب ده

9- do something crazy with my best friend

10- saying i hate u

11- معملش رقم 8 فى الليست
12 - اتكلم بذوق مع الد اعدائى بين قوسيين خالد
13- مستعجلش ابدا فى قرارتى وخصوصا فى انشاء صداقة مع حد وبرضوك بين قوسين خالد

امممممممممم حلوة الليست دى كدة

وعينت النوت تانى فى مكانها السرى الخفى الخارق اللولبى

ونزلت تانى يوم رحت لمدرسة والحياة مشت طبيعى اوى لفترة مش بسيطة
تقريبا اسبوعين من كلامى مع خالد
وتصورا خالد رجع ربى شعره

اوف اد ايه بكره الولاد اللى بشعر دول

الولد يعنى قرعة على طول بدون نقاش
وقال بيقولى بحب شعره انا

رحت الدرس بعد اسبوعين "مش كنت غايبة بس كانت الحورات قليلة وملهاش لزمة"

خالد: رجعت لك يا جميل بشعرى اللى زى الحرير
انا : امشى يا تافه روح ذاكر

خالد : حاضر يا معلم

" فضل قاعد قصادى بيذاكر وانا بذاكر"

عدد من التصرفات اللى انا بعتبرها حرام حصلت

"وللعلم قصادى دى يعنى بعيد عنى تماما هو بس كان بيختلس النظر ليا فى صمت مش اكتر"

ولكن اتت له الصدمة التى هزت عرش المدينة
عرش المرأة التى عملت شاى لزوجها وطلع بارد

"عادى بهيس فيها حاجة دى :\"

انها ليست بصرخة انثى
ولا لدغة حية

انها طريقة كلام

نعم هى طريقة كلام ليلى مع صديقها الانتيم

ليلى فى الموبيل : يا حبيبى بابى قالى نو ونو يعنى نو
انا اشترى بس موبيل جديد
انت اهبل دى اقل حاجة عند بابى

"ورغى كتير من ده .. بس كله نخع "
وللعلم نخع يعنى هجص
اما هجص فأفهموها انتم بقى علشان معنديش ليها معنى

هتقولولى وعرفتى منين يا ام العريف

هقولكم اولا واحدة بابها مش عارفة ماله كدة
وجبلهاش مدرس خصوصى ليه

ده اولا

ثانيا : ليه بتركب مكروباظ .. فين العربيه بقى بتاعت بباه

بس بقولكم .. محدش يعرف موضوع المكروباظ غيرى انا بس

اصل انا مرة وانا راحة المدرسة
وكنت الحمد لله راكبة الموتورجل بتاعى

لايقتها نازلة من مكروباص فى المحطة اللى قبل المدرسة

قولت اهوه واحدة زميلتى اكمل معاها الطريق

روحت لها وكانت يا قلب بابى
وحشها احمر موت

وكأنه حرام نركب المكروباظ
وطلبت مش اقول لحد

بس اعمل ايه سرها فى بير مخروم

المهم بقى انا فضلت اضحك على طريقة كلامها وكلامها نفسه

ولاقيت خالد وحشة فى الارض وهيموت من الضحك

لا والحاج مؤمن كمان شغال ضحك الله ينور ومسكها بقى تريقة

وياترى بابى عرف يشترى الفيلا الخامسين فى مارينا ولا لسه

ليلى : فى ايه يا مؤمن .. مالك بيا يا اخى .. ولا علشان مش عارف توصل ليا

"انا هنا بقى ووقعت"

______________________

والمرة اللى جايه تعرفوا وقعت ليه


^___ have a very n!ce t!me ___^

Gehad Mohamed

السبت، 2 يوليو 2011

مبتحبنيش يا هاجر

from: abd allah

مبتحبنيش يا هاجر :(

"صباح النعناع"

وبعت له تانى

بمعنى بقى ؟! 0_×

ورد عليا برساله
"اوعى تفتكروا ده رصيد .. ده بس عرض الرسايل"

افتحى اميلك يا هاجر بليز بسرعة

"بليز .. الواد ده يا مجنون يا مِدْمِن"

المهم فتحت الاميل

عبد الله : انا قولت لهمسة انى بحبها
انا : و ؟

عبد الله : قالت لى احنا اخوات
انا : و؟

عبد الله : قولتلها انا مش عاوز اصاحبك بس عاوزك تعرفى
انا : و؟

عبد الله : و لو مبتلطيش و ؟ دى يا هاجر هضربك
انا "مستفزة انا نيهاهاهاههاها" : و؟

عبد الله : هاجر :×
انا : ماشى كمل

عبد الله : برأيك هتكلمنى تانى
انا : وايش درانى انا

عبد الله : ماشى
انا : فكك من الحوار ده يا عبد الله لسه بدرى يا عمى على الحب

عبد الله : لسه كتير انا اصلا معنديش امل ان فيه واحدة هتبص ليا
"لو تعرف البنت اللى بتتشاكل معايا عليك :(("

انا : ليه بتقول كدة
عبد الله : انا مش فتك اوى , ومهتم بالمذاكرة اوى , ومش دمى سكر زى الولاد , ومش رومانسى

انا : فتك دى يعنى بنات وده حرام اوى فبلاش منه
مهتم بالدراسة خالد السوسة بيجيب الدرجات النهائيه وكل البنات بتحبه
دمك زى العسل علشان كدة مش سكر
رومانسى دى ليها حوار

عبد الله : انتى وراكى حاجة ؟
انا : لا

عبد الله : قولى الحوار بتاعها
انا : مش شرط انك تكون رومانسى علشان تكون مُحب
يكفيك بس انك بتاعمل حبيبك بما يرضى الله
بتراعى ربنا فى الكائن الحى اللى انت اديتله وعد
وعد حياتك كلها واللى اديتله امانة اكبر من اى حد فينا
اديتله امانة اسمك
يعنى مش شرط تقول كلام حلو يكفى المعاملة تكون كويسة
مش شرط تبقى شكسبير "يا ليتنى كنت قفازا فى هذه اليد حتى المس هذا الخد"
يكفى انك تكون الامير اللى فضل بنت الراجل الفقير
مش لكونه حد رومانسى لا لكونه محب وبيتعامل بشكل كويس وبتواضع

عاوز الحق .. مش شرط انك تتكلم اصلا وتقول اى حاجة
بس تتعامل بشكل كويس هو ده المطلوب
فيه كلام كتير مش بنقوله
بس بيتحس

عبد الله : no comment

انا : shut up
بعد كل ده تقولى نو كومنت

عبد الله : غيابك اثر فيا يا ام يازيد "محمد هنيدى"

انا : هههههههههه كدة فهمت كلامى

عبدالله : ممكن اطلب طلب
انا : بتستأذن ايه الادب ده قول يا ابنى قول

عبد الله : ممكن مش تزعلى منى تانى
انا : وليه بقى ؟!

عبد الله : انا محتاجلك يا هاجر
هقولك على حاجة ومش تنقليها لحد

انا : قول
عبد الله : انا بحس براحة نفسية وانا بكلمك
وبكون مبسوط وبنام وانا متلخبط فمش بفكر فى اى شئ وبنام وانا مرتاح

انا "عينى دمعت اوى .. هاه بكره التثبيت ده" : انا بكره التثبيت ده يا عبد الله

عبد الله : والله يا هاجر دى الحقيقة
انا : هقولك انا كمان على حاجة ومش تنقلها لحد

عبد الله : قولى
انا : مش تستعجل فى الاختيار بكرة لما تدخل الجامعة هتشوف ناس كتير

عبد الله : انا عارف بس مش عارف اعمل ايه ولا عملت كدة ليه
انا : انت قولت لها امتى

عبد الله : فى نفس اليوم اللى اتشاكلنا فيه
انا : اشمعزى ايه اللى كان فى دماغك

عبد الله : المشكله انه مكنش فى دماغى شئ
انا : الجملة دى مهمة اوى

عبد الله : اشمعنى
انا : معنى كدة انك كل ما تبقى فاضى ودماغك رايق بتفكر فيها
والمفروض العكس يا عبد الله

عبد الله : مش فاهم
انا : الحب وهو انك تفكر فى حبيبك وانت فى اصعب حالاتك وانشغالاتك
وانت بتفكر فيها وانت فاضى

عبد الله : وتقصدى
انا : حبك حب مراهقة مش اكتر يا كبير

عبد الله : هاجر انتى هتكرهينى فى البنت
انا : يا سيدى الفاضل مش اقصد بس انا بحلل موقفك

عبد الله : go away of my head lady
انا : هو انت اللى تمشى من دماغى انا هقوم اذاكر الانجلش
وهبقى بكرة احكيلك على اللى حصل ليا

عبد الله : ممكن تلميح
انا : خالد رجع :))

عبد الله : امممم حاسك فرحانه !!
انا : مش عارفة ..اه شويه

عبد الله : اممم هو انا بحب حب مراهقة مش كدة
انا :g
o away of my head man

عبد الله : بكرة نشوف .. بس احكيلى
انا :........حكيت الموضوع

عبد الله : والله يا جوجو لو عاوزة تحليلى للموضوع انا جاهز
انا : ارغى بسرعة علشان اقوم ازاكر

عبد الله : لا ذاكرى بعدين اقولك
انا : قول يا عبد الله بقى

عبد الله : لا والله ما هقول الا فى الوقت المناسب
انا : رخم رخم رخم

عبد الله : قومى ذاكرى يلا يلا يلا
انا : اوك سى يو

عبد الله : سى يو

"انا احبه ابدا"

قومت وذاكرت
وتانى يوم عدى تمام
وكمان اللى بعده
وفى اليوم تالت الدرس الموعود

رحت الدرس وقبل الدرس
خالد : اممم القطة المغمضة طلع لها ظوافر وبتخربش

انا : ايه ؟!
خالد: وصلتى لإيمان كمان

انا : خالد انا براجع على الحفظ ممكن تجيب من الاخر
خالد : انا مبسوط منك على فكرة .. عرفتى تقطعى علاقتك بيها
وبأيمن وماهى وبالناس دى
حلو ده حلو كملى على كدة
حزن حياتى هيكون يوم ما تصاحبى يا هاجر
اوعى

انا "نعم يا اسطى .. هنعيده تانى" : خالد انت مش بتمل منى يا ابنى انت حاولت معايا قبل كدة
وانا مش هصاحب يا خالد مش هصاحب بجد والله

خالد : والله ما اقصد انا فعلا عاوزك تبعدى يا هاجر
انا عاوز اطلب طلب

انا : اتفضل
خالد : بدون زعل .. عاوز نبقى اصدقاء .. واصدقاء عاديين

انا : بكرة الاقيها منشورة فى الاهرام والاخبار والجمهوريه
ده وقوفك معايا ده اساسا شبهه

خالد : شكرا يا هاجر بس بجد كان نفسى

"اوبس انا شكلى لبخت معاه والله زعلت"

انا : خالد
خالد : نعم
انا :هو انت ليه حلقت شعرك

خالد : ده يهمك اوى
انا : اها

خالد "بصوت واطى اوى" : كانسر
انا : ايه ؟

خالد : السرطان
انا : بعد الشر عليك هو عندك ؟

خالد : .................

___________________________

كفايه عليكم كدة يا حلويييييييين

جهاد محمد

السبت، 25 يونيو 2011

حلمت يا حلمى

عبد الله : مش عارف يا هاجر

انا : انا عارفة يا عبد الله
انا عارفة اننا المفروض العائلات تعرف بعض
بس انا مش اعرفك برة العيلة
مع العيلة اه ممكن بس بره انسانى ارجوك
وهمسة انا هقولها انك بتحبها
وهى حرة معاك بقى

"وساد الصمت للحظات"
عبد الله .. ارجوك ولا كأنك عارفنى انا مينفعش يتقال عليا انى مصاحبه

وكمان فى بنت بتحبك وهتعمل ليا مشاكل اكيد

عبد الله : مين دى
انا : كنت عارفة ان ده اللى هتقوله يا عبد الله .. ده المهم بالنسبة لك اكيد

عبد الله : هاجر علشان مين تقولى انى معرفكيش
وكمان انا قولت لك مش تقولى لهمسة انى بحبها

انا كنت بكلمك كصديقة بس مكنتش اعرف انك هتبعينى علشان كلام

هاجر اللى يقولك حاجة مش فيكى ده عيب فيه ميخصكيش

انا : عبد الله .. انتهى الحوار .. معنديش روح المجازفة
لا واى مجازفة
حدودى معاك انا عرفاها .. ومن دلوقتى هلتزم بيها
وانت يا ريت تعمل كدة

عبد الله : شكرا يا هاجر .. او يا اخت هاجر

"وانتهت المكالمة بإنهيارى"

روحت لماما وحكيت لها

ماما : بصى يا هاجر .. انا مش مع فكرة تكوين صداقة بين الولاد والبنات اصلا
لانها فى الغالب بتتفهم غلط
ولكن كنت ساكته على عبد الله بحكم اننا نعرفه ونعرف عيلته واصله

وبينى بينك انتى كدة صح
فى يوم هيفهم انتى عملتى كدة ليه يا هاجر

وموضوع همسة اوعى تجيبى لها سيرة . انتم لسه صغيرين يا بنتى
وكمان لو عبد الله كلمك اكيد ردى عليه بذوق
انتم برضوه معارف

"كلام ماما مكانش مريح اوى بالنسبة ليا .. انا برضوه خسرت صديق وحد انا بثق فيه .. بس فترة وكله هيتعدل"

نزلت المدرسة
وكان يوم هادى
ورحت الدرس وبرضوه يوم هادى

هادى اوى بعد ما خسرت كل الناس

الحلو قبل الوحش

وبصراحة حاسة انى غلطانه فى كل شئ

وعلشان كدة جت فى دماغى كلمة

النــــــــــــــــــــهاية
وقررت انى اكتب قايمة بكل شئ لازم اعمله قبل ما اموت

وكانت القايمة بتاعتى
1- Lose Weight To Be Like Mummy

2- bring my reality back

3- say i'm sorry 4 abd allah

4- make 5aled walk in the right way

5- say i love u

6- have i fight with a bad girl

7- imagine that .... no i think i will not imagine that

no matter about 7

8- اكل السلطعون الملوف برقائق المش عارفه ايه
لازم اجرب ده

9- do something crazy with my best friend

10- saying i hate u

"كتبت القايمة فى فى نوت وعنتها بعيد"

كنت شفت ده فى فيلم بس الفرق ان صاحبت النوت دى كانت بتأخذها فى كل مكان

وفى الاخر البنت مش عرفت تتنتحر

"انتحر .. فكرة برضوه ... بس هأجلها لبعد النهاية احسن ليا"

بصراحة انا هبلة اصلا مش عارفه انا بقول ايه

انا هزاكر

وذاكرت ونمت واستعديت تماما لوضع انى مش هصحى بكرة
بس فى خلال رحت الذهاب بلا عودة
حلمت
حلمت بحلم اتمنى يتحقق
حلمت انه فيه حد انا بحبه اوى

وغاب عنى فترة ورجع ليا تانى
بس رجع مختلف .. احسن من الاول بس ناقص

ناقص فيه حاجة انا كنت بعشقها

يمكن احسن بس كان ناقص في روحه اصلا

وصحيت من النوم ولاقيت ماما لابسة اسود

"يا اما انا مت بس حلاوة الروح بقى وشايفة ماما .. يا اما فى حد انا بحبه ناقصه روحه لحد ما مات ويبقى الحلم اتحقق"

ماما : هاجر مش كفايه كدة نوم بقى

انا : هو انا نايمة

ماما : امال حضرتك على السرير بتهزرى

انا : انا مش مت يا ماما

ماما : انتى بتحلمى .. انتى غيبتى من المدرسة

انا : وانتى لابسة اسود لانى غايبة

ماما : انتى هبله يا بت
انا نازلة مشوار وراجعة
وانتى قومى ذاكرى

"انا بالفعل قومت بس الحقيقة مش ذاكرت"

كان التليفزيون هو القرار السليم ليا فى الوقت ده
اتفرجت على التليفزيون لحد ما زهقت

بس اترفعت روحى المعدنية شوية

وذاكرت للدرس ونزلت الدرس الموعود

ولاقيت خالد رجع

وكان واقف مع ايمان
وانا طبعا بوظت علاقتى بإيمان

فكان من الطبيعى التلقيح

إيمان : يا ربى الجو بقى حر فجأة ليه
خالد : ما هو الجو من الصبح حر اشمعنى دلوقتى

إيمان "كانت بتغمز له": واحشنى يا خوخى
خالد : هنهزر ايه خوخى دى

إيمان : انت مش طبيعى
خالد : لو انا كدة مش طبيعى .. يبقى انا نفسى يا رب افضل على طول مش طبيعى

وانا اتحركت ساعتها ومشيت من جنبهم
وخلصنا الدرس وبعد الدرس راح خالد يسلم على المستر فهى اول حصة من فترة

المستر : الف حد لله على السلام يا خالد .. يلا شد حيلك وعوض اللى فاتك

"هو خالد كان تعبان ولا ايه .. وببص عليه اوى وبرقت الحقيقة"

خالد "بإبتسامه رائعة زى اول يوم ليا فى الدرس وبصوته الجامد طحن جدا ده" :
سمعت انك كنتى بتستعدى للحرب
بس انا تعبان ومش قادر وحلقت شعرى زى ما انتى شايفة
يعنى اى ضربه منك على دماغى هموت

فكفاية حروب

انا اساسا معنتش قادر اقاومك

انا "بكل احتقار" : والمفروض انى اصدق زى اول يوم

خالد : والله انتى حرة ده شئ يرجع لك
بس خفى اللعب شوية
واّه مبروك عبد الله

انا "يا ابن الــ .. انا كنت عارفة انك هتضايقنى" : بص يا مستر عاوز تصدق صدق .. بس لو صدقت يبقى الحرب مستمرة الى الابد

خالد : بحب حماسك .. بس انا قولت انى مش مصدق ..مش انتى اللى تصاحبى

انا "هاااااااا" : بجد قولت كدة

خالد : طبعا .. اللى ترفض خالد عمرها ما توافق بحد تانى

انا "بكل عصبية": انت بارد ومغرور .. يا رخم

ضحك خالد بفتور ومشى

مشيت انا كمان وفى الطريق افتكرت الحلم

جه فى دماغى انه ممكن يكون اتحقق

بس انا مش بحب خالد
ومفيش حاجة انا كنت بعشقها فيه

لالا اكيد مش خالد

وكملت على البيت

بس بجد انا اتبسط اوى بجد بجد

على الرغم انى شتمته وعلى الرغم انه كان بتكلم بغرور
بس اولا واخيرا هو قال انه مش مصدق انى مصاحبه

اترفعت معنوياتى اوى بجد

واتخذت اصعب خطوة فى حياتى

انا اسفة جدا جدا جدا بجد .. فلتسامحونى سيادتكم .. كم كنت حمقاء وبلهاء

فلتسامحونى ارجوكم

send to : abd allah

واذا برساله بتقول

_____________________________________

حلو اوى كدة بقى ان شاء الله ليكم حلقة كمان قريب اى زى المرة دى

جهاد محــــــــــــــــ ^_^ ــــــــــمد

الجمعة، 3 يونيو 2011

انا مصاحبة يا جماعة .. انا مصاحبة

"يا سبحان الله والله الواد واحشنى الشكل معاه لية يمشى "

ايمان : هاجر هو مجاش ليه؟

انا : بتحبيه ليه؟

ايمان : عارفة لما يكون حد انتى فعلا واثقة فى انه كويس ورائع بس عليه غبار
بتكونى حابه انك تعيشى تجربة المنظف وانك تشيلى الغبار ده

انا : وافرضى شيلتى الغبار ولاقيتى ان لونه الاساسى اسود

ايمان : ساعتها هكون عشت تجربة واتعلمت منها حاجة
اكيد هكون اتعلمت

انا : طيب هو بيكلم كل يوم واحدة وانتى كل فترة بتعيطى ايه برضوة اللى عاجبك
يعنى اعتقد بلاش توجعى دماغك احسن

ايمان : فكرى شوية .. هتلاقى انه من الممتع انك تعيشى تجربة زى دى دلوقتى
احنا لسه صغيرين ولازم نتعلم ولازم نعرف
ممكن اعيش نفس التجربة قدام بس ساعتها هيكون فات الاوان

انا : فات ايه ؟

ايمان : انتى مفيش خالص

انا : بجد اتكلمى

ايمان : لما تكبرى هتعرفى

"ووقفت ايمان"

انا : وقفتى ليه

ايمان : لان ده بيتنا .. اتفضلى شاى

انا :لا شكرا سلام

"وروحت البيت والافكار فى دماغى بتأكلنى"

يا جماعة البيت اللى انا شفته ده مبهر
البنت بجد غنيه

غنيه اوى

لو ممكن يطلع مثلا زى الافلاموتطلع بنت البواب

بس اكيد لا خالص البنت دى لبسها حلو
oops

البنت بتحب خالد

ده معفن

وقال تجربة ومغامرة .. صباح الخير يا egypt

اّه يا ربى على الهبل ده

المهم كالعادة اشتغل المحقق كونان

"عادتى ولا هشتريها"

نزلتت المدرسة
شلة الانس

هاى يا بنات
انفضت شلة الانس

عارفين وكأنى كورة اترميت فى طربيزة بليردواااااااااااا

روحت لواحدة وأخذتها على جنب
ممكن اعرف فيه ايه

هى : بعد ما صحتى معدش فيه بينا مصداقية بقى

انا : انا صحبت امتى وازاى وصاحبت مين
بالله عليكى قوليلى لانى مش اعرف

هى : هاجر استهبال مش بحب .. عبد الله يا هاجر

انا : عرفتيه منين

هى : عبد الله ده حبيبى يا مامى ولا هتقدرى تأخذيه منى

انا : لالا بجد براحة انا مش فاهمة والله

هى : انا شفتك واقفة معاه

انا : ايوة بس مش متصاحبين .. انا واقفة عادى.. عبد الله ابن خالتى "يا رب سامحنى"

هى : هاجر الكلام ده مش هيخيل عليا انا عارفة التصرفات دى

انا : بصى براحتك بقى مصدقة مصدة مش مصدقة عيشى يا ستى
وهو انتى بتحبيه؟؟!!

هى : اّه يا هاجر

انا : من امتى

هى : يعنى من فترة كدة

انا : وبتحبيه ليه

هى : التجربة يا هاجر التجربة

انا "كل واحدة حابة تجرب على دماغى انا باين" : بتجربى ايه بقى ؟!

هى : غموضة مش طبيعى .. غامض يا هاجر غامض

انا : اّه هو غامض .. بس ايه المطلوب

هى : ممكن تكلميه ليا

انا : damn the life lady :|
مش انصحك بعبد الله

هى : ليه
انا : مش من اختصاصى بى انى اقول بس مش انصحك وخلاص

هى : يبقى مصحباه

انا : طيب عاوزة حاجة بقى سلام

وخلعت انا منها
وحت البيت وذاكرت ليا كلمتين
ونمت لحد تانى يوم

نزلت المدرسة

وقابلت شلة الانس تانى

بس المرة دى انا اللى تجاهلتهم عن عمد

بينى وبينكم طول الحصص كان شاغل تفكيرى خالد

واحشنى يا خالد والله
وكمان موضوع ايمان

وقابلت ايمان
ايمان : هاجر يا حبيبى ازيك
انا : تمام وانتى يا ايمى

ايمان : يعنى بخير .. واحشنى خالد

انا : ايمان بتحبيه بجد ولا هتقضيها؟!
ايمان : انتى هبله يا هاجر .. مين يحب حد مش من مستواه الاجتماعى

انا : مش كانت تجربة ونشيل الغبار والبرنجان
ايمان : هى تجربة اه بس برضوة حتى لو عملت كدة وكمان هو بيحبنى مش هتجوزه فى يوم من الايام

انا : نعم يا اختى ليه بقى؟!
ايمان : مستوايا اعلى من كدة يا هاجر

انا : ايمان انا مش عاوزة اشوف وشك تانى ممكن؟!
ايمان : نعم

انا "بكل عصيبة": سمعتينى يا ايمان .. مش عاوزة اشوف وشك
وسيبتها ومشيت

وفى اليوم ه كان عندى درس وانا رحته
وبعد الحصة رحت لمؤمن

انا : السلام عليكم
مؤمن : وعليكم السلام ورحمة الله وبركاته
ازيك يا هاجر

انا : الحمد لله تمام .. وانت وخالد

مؤمن : خالد بخير يا هاجر . انتى عوزاه فى حاجة

انا : لا بس مختفى قولت غاص مع واحدة جديدة
مؤمن: بعد عنك خالص

انا : راح فين
مؤمن : مسافر لفترة ومش هيرجع دلوقتى

انا :مش فيه دراسة ولا ايه
مؤمن : هاجر هاتى من الاخر

انا : بسأل على عدوى علشان اجهز نفسى
مؤمن: اوك يا ستى خدى راحتك

انا : طيب سلام
ومشيت على وشى كل الالم لفراق العدو
على رأى الفنانة شرين فى حد يقدر يعيش من غير الم

وعلى ذكر الالم طلع ليا فى البخت

ايمن وماهى

ايمن : اخت هاجر السلام عليكم
انا وماهى : وعليكم السلام

ايمن : لو سمحتى انسحبى من الجروب بتاعنا
انا : "للمعلومات انا مش انضميت للجروب" وليه بقى ??!
"خبيثة موت انا so mean"

ماهى : انتى مصاحبة يا هاجر

انا : وماذا عنك يا اختاه ؟!
و ايضا ايها الاخ الفاضل ايمن ماذا عنك ؟!

"كنت فى قمة العصبيه >> مش نقصاهم انا يا الله"

ايمن : نعم يا اخت

انا : ايمن .. انا متضايق ومتعصبة ومش شايفة قدامى . ولو نطقت بكلمه كمان
صدقنى مش هيكون كويس

ايمن : انتى وعبد الله مش لايقيين على بعض على فكرة

انا : امشى يا ايمن انت والزفته بتاعتك .. وانا مش مصاحبة ومش مشتركة فى الجروب بتاعكم .. مش يشرفنى اصلا انى اشترك فيه .. يا بنى ادم انت بتضحك عليا ولا على نفسك .. انتم بتكدبوا على بعض بأسم الدين

ايمن : وانتى بأسم ايه .. اه بس انا مش مصاحبة
ماهى : مبروك يا انسة عبد الله

انا : الله يبارك فيكى عقبالك لما تكونى انسه حد غير ايمن :|

"انا وقحة وعمرى ما كنت كدة .. يا الله ايه اللى حصل ليا بس"

رجعت البيت واتصلت بعبد الله

عبد الله : السلام عليكن جوجو ازيك

انا : الحمد لله
.. ايه جوجو دى يا عبد الله

عبد الله : اسف يا هاجر تعديت حدودى باين

انا : لالا انا اللى اسفة انا عندى مشكلة وانت السبب

عبد الله : عارف

انا : من امتى

عبد الله : من اول ما الدراسة بدأت

انا : ومش كلمتنى ليه

عبد الله : محج منك لانى عملت مشكلة

انا : وهتعمل ايه

عبد الله : _____________

____________________________________

ده اللى هتعرفوه خلال يومين

انا مش هعتذر علشان انا اتأخرت شهر تقريبا

انا بس هقول انا موظفة ^_^
فى شغل ابى

وانا فعلا اسفة اوى بس بحوش علشان اشترى موب وده يستدعى بعد عن اى شئ تانى

الموب مهم لاى حد وانا عاوزة nokia n900
مش اى حاجة يعنى
^_^

بالله عليكم التمسوا ليا العذر وسرى بجد