الجمعة، 17 سبتمبر 2010

فضربته

قبل دخول المستر اصطادنى البنات "ازيك واخبارك كنتى فين ومش فين وكلام البنات مبيخلصش"
وفى اثناء الحديث الطويل اللى حصل قالوا لى على اللى حصل مع خالد

"اتعرف على بنت من يومين والبنت كانت فى نفس ساذاجتى كدة وطبعا لما عرفت الحقيقة قلبت عليه وخلعت منه بعد ما ضربته بالقلم "
<فرحة شديدة غمرت قلبى وكل اللى على لسانى اللهم لا شماته اللهم لا شماته>

واتكلمنا طبعا كتير عن اللى حصل معاه وبس فعلا البنت دى جدعة جدا هو ده الحزم

دخل المستر واخذنا الدرس وتمام ........... نازلة فى امان الله

نط عليا ماهى وايمن عاوزيين يروحوا معايا

فى دخلة مين برضوه ............................... خالد "يا حبيب ماما"

وبأعلى صوته " هاجر انا معجب بيكى بجد انا معجب بيكى "

لحظة توتر جامدة جدا بالنسبة ليا

بصيت حوليا لاقيت ماهى وايمن مشوا و باقى الناس اللى فى الشارع بصوا عليا

معرفتش اعمل اية فضربته بالقلم " افتكرت موقف البنت الجدعة والحزم فاتكلت على الله"

بجد ضربة جامدة جدا "من نوع القلم اللى بيلسع مش زى الاقلام الفرنساوى اللى مش قد كدة"

المهم ... جرى عليه واحد زميله من اللى حضروا الموقف وشدة لورا وخالد عمال "سبنى يا مؤمن سبنى والله لهتشوفى يا هاجر"
مؤمن : "حته واد زى ما الكتب بتقول عارفين شبة خالد فى جماله ودلاله ، وده واحد من الاتنين الجداد اللى قلت لكم عليهم "

وانا فى صمت رهيييييييييييييييييييب واقع عليا ......... وروحت وانا قلقانه مش من كلام خالد .. لا "ده فاضى" بس من شكلى الحصة اللى جاية

خلص يومى على كدة ورحت تانى يوم المدرسة وقضيت وقتى فيها وروحت "يوم عادى جدا مر عليا زى اى يوم"

وخلص اليوم كالعادة ولكن فى تالت يوم قررت التغيير" انا هخرج"

استدعيت اصحابى فى نداء عاجل وظبتنا امورنا للخروج

*****************

المرة الجية بقى هتعرفوا احنا خرجنا فين علشان انا عندى مدرسة الصبح

تصبحوا على خير وادعولى فى اول يوم ليا فى المدرسة الثانوى

ادعولى :))))))))))))) جهااااااااااااااد



الأربعاء، 15 سبتمبر 2010

مهم اوى اوى اوى

اولا ....................

ملخص الحلقة اللى فاتت

ظهر فى الحلقة اللى فاتت معتز ابن خالت هاجر البطلة . سألته المساعدة ولكنه هرب منها

راحت المدرسة وزى العادة اتكلمت مع البنات اللى مصاحبيين واللى بتلقبهم بشلة الانس بس فكرت للحظة اد اية هى اتغيرت وده لانها بتعرفهم لمجرد مصلحتها الشخصية وزعلت من نفسها جدا وانعزلت شوية "بتحصل والله"

دخلت لها والدتها وحفزتها شوية وبعدها قررت تنهى الانعزال برجوعها الدرس بعد غياب دام لمدة اسبوع

اول ما راحت الدرس لاحظت نوعين من الابتسامات ...... وحزن دفين على خالد

واتنين زمايل جداد ودول اللى هنعرفهم فى الحلقة الجديدة اللى جاية على طووووووووووووول

ثانيا .................

ممكن نعمل كمان ملخص تانى بسيط علشان الناس مش تتوه منى

هااجر : البطلة بتاعتنا "والله ما انا البطلة جهاد دى الكاتبة واللى بتحاور حضراتكم بس" هاجر طالبة فى تالتة اعدادى ........ بتدخل لعالم جديد عليها اول مرة تشوفه وده عامل لها مشاكل

معتز : ابن خالتها ...... 28 سنة ..... هنحتاجة بعدين وهنتكلم عنه بشكل مفصل مش تقلقوا خالص

خالد : زميل فى الدرس حاول يضحك عليها فى بداية السنة ........... قمر وصوته يجنن ومن الاخر يعنى ..... حاجة تجنن كدة

شلة الانس : مجموعة بنات مصاحبيين بس عارفيين كل حاجة عن اللى فى الدرس ........ هاجر اطقت عليهم اسم شلة الانس ........... دورهم معانا كبير فى معرفة التفاصيل عن اللى جايين

ماهى وايمن : هم من رفعوا من الدين شعار لهم ليتستروا خلفه على "بلاوى" ......... اوضح يعنى مأنتمين بس تحت اسم الدين والعياذ بالله

دول اهم الشخصيات لحد دلوقتى الباقى مهمشين وظهورهم قليل

ثالثا .....................

اسأله بتسألها كتير

انتى البطلة ؟؟؟ لا والله يا جماعة مش انا

القصة حقيقية ؟؟؟ جميع الاحداث حقيقية بس مش حصلت لبنت واحدة دى حصلت لاكتر من بنت وانا جمعت الاحداث

انتى فى سنة كام واسمك ؟؟؟ انا جهاد وبكتب اسمى فى اخر كل فصل وده واضح .......... انا فى اولى ثانوى "ادعولى"

الحلقات بتنزل امتى ؟؟؟ باذن الله كل اسبوع حلقة بس انا اتخرت شوية وانا اسفة بس بدأت روسى والدراسة وكمان العيد وكله خل فى بعضة بس من هنا ورايح كل يوم خميس او جمعة حلقة جديدة

دى اهم الاسئلة

اليكم الحلقة الجديدة فى البوست اللى جاى لكم بكرة

^_* جهاد محمد " الكاتبة مش البطلة JJ "