الخميس، 26 أغسطس، 2010

الحلقة الرابعة - وتغييرت الاحوال

معتز"ابن خالتى بصى يا هاجر المستقبل هو دلوقتى عده 28 سنة .........وعاوز يتجوز ..........وانا المرشح الاول بالنسبة له طبعا ده لان خالتى عاوزة كدة....... ولكن احنا بنراعى الفارق الشاسع اللى فى السن..... محترم معتز وهو مستودع اسرارى" ازيك يا معتز عامل اية ...ازيك يا هاجر اخبارك واخبار الدراسة .. ماشى الحال يا معتز بس يومين بدون تركيز خالص .. لية خير اية اللى حصل ؟؟ .. والله يا معتز اللى حصل ولا يختر على بال

..............................بحكى اللى حصل ........................

اية رأيك يا معتز بجد مش غريبة انا حاسة انى فى كوكب تانى

انا مين وهم مين وهتكيف معاهم ازاى مش عارفة بالله عليك يا معتز ارشدنى انا تايهه

<<هاجر معلش ماما بتنادى سلام دلوقتى سلام سلام>>

معتز .......... معتز ............ راح معتز هرب املى فى الارشاد.......

قررت اذاكر ........ ذاكرت الحمد لله ساعتين بس كان منهم ساعة ونص تفكير فى اللى بيحصلى

موضوع لولد اياه "عرفت يا هاجر المستقبلية ان اسمه خالد"

والولد والبنت بتوع الاتنمة االشرعى "احب اعرفكم ماهى وايمن"

ماهى مع ايمن ازاى مش عارفة

معنتش مركزة وحياتى متلخبطة

يلا نوي اسيبها لله لحد بكرة ما اروح المدرسة واشوف شلة الانس واعرف منهم المفيد عن ماهى وايمن دوووووووووووول

رحت المدرسة تانى يوم

حصة ورا حصة ورا حصة وانا نفسى الفسحة تيجى علشان اكلم البنات واعرف منهم الموضوع بقى

اخيييييييييرا شوفتهم واتكلمنا وبرضوة قالوا لى نفس الكلام اللى انا توقعته عنهم

"سوسة انا"

بس عارفة يا هاجر المستقبلية

حسيت انى منافقة اوى ونفسيتى تعبت جدا يعنى سيت انى منافقة اوى بعرفهم علشان مصلحتى

بعرفهم وهم مصحبيين وضد قضيتى

انا كان ممكن اعرف بنات احسن منهم ميت مرة

"لا لازم اغير الوضع ده"

انا اللى بعرفه منهم ملوش اى لزمة وبعدين انا لازم اركز اكتر فى مذكرتى "انا شهادة يا ناس"

روحت البيت وانا ومنهمكة فى التفكير

"يا رب الدرس الوحيد اللى قررت انى اخذه يحصل لى كل ده فيه"

مدرسى زعلان حياتى باظت .............. مش انا هاجر بتاعت زمان انا واحدة تافهة ومنافقة وكدابة كمان

بجد مش عاوزة اكمل كدة علشان انتى يا هاجر المستقبل لو انا فضلت كدة هبقى فى المستقبل كدة

كفاية بقى ضاع منى اول اسبوعيين فى الدراسة والمدرس بتاعى زعلان انا لازم اخذ وقفة

....................

مرحتش الدرس اللعين ده لمدة اسبوع متواصل اريح بقى دماغى واذاكر انا

ماما دخلت عليا فى يوم طبعا لحظت غيابى اسبوع كامل

محبتش اقلقها عليا "الغلبانة تزعل لية يعنى"

طمنتها طمنتها وخلاص

بس قالت لى كلمتين حلوين اوى

"يا بنتى لو عندك مشكلة متستسلميش ليها .....لا اقضى عليها وكونى اقوى منها "

الله يخليكى ليا يا امى

.....................

مكلمتش اى حد خلال الاسبوع ده حتى اصحابى

ركزت فى المذاكرة وبس

عدا الاسبوع وقررت ارجع الدرس كفاية غياب

رحت الدرس وطبعا لاقيت المستر متأخر كالعادة "عادته ولا ..."

بس لاقيت حاجة غريبة شوية نوعيين مختلفيين من الابتسامات

ابتسامة من ماهى وايمن

"عندهم امل بانى اكون معاهم"

وابتسامة من شلة الانس

"مش فهماها بس مش مطمئنة ليها"

والعكس بقى كان مع خالد

حزن رهيب ظاهر على وشه "قمر يا ربى ... بس يستاهل"

وكمان فيه وشيين جداد مين هما مش عارفة بس جداد

ده هتعرفوه المرة اللى جاية انتظروناااااااااااااااااااا

جهاد محمد

الأربعاء، 18 أغسطس، 2010

الحلقة الثالثة - الجماعة

الجماعة

واخيرا زهقت من كترالبحث وفضلت انى اراجع على الدرس اللى فات ودخل المستر واخذت الدرس والحمد لله كنت مركزشة شوية

"يلا شوية احسن من مفيش"

خلصت الدرس وافرااااااااااااااج اخيرا

قبل ما اعدى البوابة "بتاعت الدرس" لاقيت سبحان الله اتنين طيرين عليا "ولد وبنت" من النظرة الاولى انا قولت لنفسى العيال دى
"سوس ، وسوس فى لغتنا تعنى خبث من الاخر العيال دى خبيثة"

المهم اتعرفنا وفضلوا ماشيين معايا كتيييييييييير لان الطريق طويل اوى ومن سوء حظى ان طريقنا واحد فضلوا يتكلموا معايا

فى البداية على طريقة "جر رجل الزبون" كلام حلو ومعسول ملوووش اخر وقد اية هم مبسوطين من موقفى فى البداية اول ما رحت الدرس


شكرتهم بذوق لحد ما غيروا الموضوع ،، وقلبوا على قناة "اقرأ" الدعوة الدينية والشريعة وما شابة

"وانا عارفة الكلام ده اخلصوا بقى ، كفاية افلام "
بس سمعت فى كلامهم كلمة شدة اذانى هى كلمة
<وفى الجماعة عندنا >
قاطعتهم فورا وسألت عن الجماعة

قولوا ان دى جماعة اسمها
"معانا لانهاء مهاذل الصحوبية"


ولما سألت عن مقر الصحوبية هههههههههههه عرفت انها جماعة على
الفيس بوك""
لا واية طلبوا منى الانضمام كمان
"انا ناقصة يا اخويا"

اعتذرت منهم بذوق وبحجة الدراسة وكدة .....واخيرا وصلت للبيت بعد ما قضيت اطول فترة مملة فى حياتى
جريت اشوف الجماعة "الجماعة"
ولاقيت "زى ما توقت"
انتمة تحت شعار "الاسلام"
حاجة كدة زى "مرجان احمد مرجان ،لو عرفينه"
قفلت الكمبيوتر وقررت انى اذاكر حبة "ربنا يهدينى"..... واذا بمكالمة مهمممممة جدا من ........................

************

ده اللى هتعرفوه المرة اللى جاية

جهااااااااااااااااااااااااااااااااااااااااااااااد

الجمعة، 13 أغسطس، 2010

الحلقة التانية - عدنا

روحت بيتى مش شايفة قدامى واترميت على سريرى
وبدأت افكر "ارد على ابن التيت ده ازاى".... يا رب ساعدنى ، وسبحان الله تانى بصيص امل فى نفس اليوم
"بس يا رب يكون بصيص بصيص مش زى اللى فاتت "
بما ان انا معارضة وفى وجهة نظره انى يوم ولا اتنين وهصاحب اذا هو اكيد هيكون زيى لا محال انا هرد عليه بده ......
رتبت الكلام فى دماغى وكل حاجة زى الفل وقررت انى هرمى الكلمتين دول فى الحصة اللى جاية ....
نمت وصحيت تانى يوم على المدرسة على طول طبعا "مقهورين احنا والله"
المهم انى لاقيت شلة الانس "البنات المصاحبين بتوع امبارح" فكرت شوية لاقيت انى لازم اعتذر
"على الرغم من انى مش غلطانة معاهم فى اى حاجة "
بس انا لازم اكسب وده برضوة ،،،، من كرم اخلاقهم قبلوا اعتذارى "لو عندك حاجة للكلب" دار بنا حوار واول شئ اتكلمت فيه زميلانا بتاع امبارح واكتشفت اكبر صدمة فى حياتى للاسف

زميلنا طلع "مصاحب"

وطبعا البنات صحكوا على سذاجتى اللا محدودة ،، طلع زميلنا بيصاحب من رابعة ابتدئى
وان الكلمتين الجامدين دول بيقولهم علشان يجر بيهم رجلين البنات الغلابة اللى زى حلاتى
"حسبى الله ونعم الوكيل ......... ده انا غلبانة بقى"
بدأ البنات يشرحولى الموضوع بالتفصيل الملل
"الملل اوى"
قال اية كلامه دة بيخلى البنات تفكر فية "زى حلاتى" وتحضر رد لية "زى حلاتى برضوك" ويبدأ هو لما يقولوا الردود يجر ناعم
"تسمحولى المرة دى كمان اقول اه يا ابن التييييييييييييييييت"
طبعا فضلت الفكرة فى دماغى وبفكر فيها كتير وبرضوة مركزتش مع الاساتذة واللى بيقلوه "اه يا ابن التيت هسقط بسببك"

استحملت شوية وقررت انى مش هرد وخلاص لحد ما اشوف حل تانى وصرفة فى ام الموضوع "منرفزنى اوى الواد ده"

مش عارفة لية افكرت صديقتينى العزيزتين اللى نسياهم من ساعة ما بدأت الدراسة
اعطيتهم اشارة بدأ محادثة الاسكاى بى اللى انا معرفاهم عليها "علامة بينا يعنى" فتحنا الاسكاى بى والمحادثات بدا بينا

هاجر
"اه صحيح معرفتكوش على نفسى فى الاول انا هاجر"
السلام عليكم يا خاينين ، ولا تسألوا على صحبتكم المطحونة يا تيتاوياااااااااااااااااااااااا

همسة
جوجو وحشانى 48 ساعة ولا نتكلم
هدير
وحشنى يا بنات اخباركم

اه يا اختى انتى وهيا لو كنتم بتسألوا كنتم عرفتم

معلش يا جوجو بس مالك

مطحونة يا بنات

اوووووه مش لوحدك يا جوجو واحنا كمان

"فضلنا نتكلم شوية وحكيت لهم اللى حصل ولا تعليق من الاتنين ماشاء الله عليهم يعنى جامدين اخر حاجة"

بس الحقيقة دهشوا اوى كأنى بقولهم تامر حسنى بيخبط على الباب

"تشبيه غريب بس بجد دهشوا لدرجة دى"

ووصلنا الى اننا ندخل ننام احسن

كان نومينى متقلب وكله قلق من النهاردة "النهاردة معاد الدرس اياه درس الانجلش اللى حظى معاه .........."

رحت المدرسة ورجعت البيت استعديت للدرس

رحت الدرس وهناك فضلت ادور ادور على الولد ده ادور ادور مش لقياه واخيرا .............................

******************


هنكمل الاسبوع اللى جاى

واسفة على التأخير :)

جهاد

الثلاثاء، 3 أغسطس، 2010

الحلقة الاولى ..................... حلال الله اكبر

انا .................. انا الخضرا الشريفة " اه والله اصلهم بيقولوا عنى كدة "

بدأت قصتى لما دخلت الاعدادية <<كل اللى قبل كدة ملوش اى 30 لازمة اين ترعرعت واين ولدت وحاجات كدة>>

المهم نزلت ساحات الطالبات وشوفت اشكال والوان من البنات ، دخلت عالم الدروس الخصوصية عشت فى وسط ناس "يا رب انساهم يا رب"

حاجات غريبة جدا بنات فى قمة الذكاء وعلى قدر عالى من الجمال وماشيين مع ولاد ولا ليهم اى منظر

وطبعا العكس صحيح ..................... بدأت اسال لية " الموضوع جديد عليا بقى" مش حرام يا جماعة ولا انا مش واخدة بالى ولا اية

<< يا ريتنى ما سألت كان يتقطع لسانى >> لاقيت كل العيون عليا وكلام محدش يحب يسمعه وليه وليه بقى حرام هما بيعملوا حاجة غلط

" الحق يتقال مكنش فيه حاجة غلط غير مسك الايدين واللعب فى الشعر والتسبيل بالعنين بس"
ويادوب هشرح موقفى لاقيت نفسى لوحدى << ما انا معارضة بقى >>

احباط رهيب لا يوصف

اول يوم فى دروس الاعدادية بوظت الدنيا والكل ماشاء الله كرهونى .......... ولكن لان الله رحيم بعباده بعت لى بصيص من الامل

صوت "رائع" بيقول :- معاكى حق على فكرة دول بايظيين <<انا سمعت الكلمتين دول قولت اوبا المستر وخصوصا ان الصوت كبير حبتين>> رفعت عينى فى الشخص ولاقيت ماشاء الله "قمر قدام عينى" <<وطلع زميل الحق يتقال ساعتها فكرت اصاحب هههههه>>

احم احم ، المهم ابتسمت ابتسامة "صفرا" ومعلقتش ... بس هو كمل الكلام "وبعد تكملته لاغيت فكرة الصحوبية تماما ورجعت تانى زى ما انا" البية اضاف :- بكرة تبقى زية كلكم بتقولوا كدة فى الاول ، يوم ولا اتنين وهتلاقى نفسك بتأنتيمى انتى كمان ... كلكم زى بعض مش بتفرقوا كتير يعنى .

اه يا ابن التيت "طبعا قولت له كدة بس فى سرى " والحقيقة كنت هرد عليه بس دخل المستر "انفذوه من ايدى" بدات المجموعة ، والحمد لله بسبب كلامه "مركزتش فى ولا كلمة من اللى قاله المستر" ماشاء الله عليا ابدعت من اول يوم .................

الله يسامحه بقى الحلقة اللى جاية هتعرفوا هيكون قرارى اية

اشوفكم الحلقة اللى جاية

جهااااااااااااااااااااااااد محمد

يوميات بنت مش مصاحبة

السلام عليكم ورحمة الله وبركاتة

فى البداية كدة احب اقول ان دى يوميات مش زى اى يوميات

لانها يوميات لبنت نادرا ما هتلاقوا زيها

دى "
مش مصاحبة" تخيلوا

فى بنت دلوقتى فى مصر مش مصاحبة اوه ههههههههه

المهم يا رب تعجبكم اليوميات و ........................... هتلاقوا كل فترة باذن الله تدوينة جديدة ويا رب تستمتعوا يا رب