مبتحبنيش يا هاجر

from: abd allah

مبتحبنيش يا هاجر :(

"صباح النعناع"

وبعت له تانى

بمعنى بقى ؟! 0_×

ورد عليا برساله
"اوعى تفتكروا ده رصيد .. ده بس عرض الرسايل"

افتحى اميلك يا هاجر بليز بسرعة

"بليز .. الواد ده يا مجنون يا مِدْمِن"

المهم فتحت الاميل

عبد الله : انا قولت لهمسة انى بحبها

انا : و ؟

عبد الله : قالت لى احنا اخوات
انا : و؟

عبد الله : قولتلها انا مش عاوز اصاحبك بس عاوزك تعرفى
انا : و؟

عبد الله : و لو مبتلطيش و ؟ دى يا هاجر هضربك
انا "مستفزة انا نيهاهاهاههاها" : و؟

عبد الله : هاجر :×
انا : ماشى كمل

عبد الله : برأيك هتكلمنى تانى
انا : وايش درانى انا

عبد الله : ماشى
انا : فكك من الحوار ده يا عبد الله لسه بدرى يا عمى على الحب

عبد الله : لسه كتير انا اصلا معنديش امل ان فيه واحدة هتبص ليا
"لو تعرف البنت اللى بتتشاكل معايا عليك :(("

انا : ليه بتقول كدة
عبد الله : انا مش فتك اوى , ومهتم بالمذاكرة اوى , ومش دمى سكر زى الولاد , ومش رومانسى

انا : فتك دى يعنى بنات وده حرام اوى فبلاش منه
مهتم بالدراسة خالد السوسة بيجيب الدرجات النهائيه وكل البنات بتحبه
دمك زى العسل علشان كدة مش سكر
رومانسى دى ليها حوار

عبد الله : انتى وراكى حاجة ؟
انا : لا

عبد الله : قولى الحوار بتاعها
انا : مش شرط انك تكون رومانسى علشان تكون مُحب
يكفيك بس انك بتاعمل حبيبك بما يرضى الله
بتراعى ربنا فى الكائن الحى اللى انت اديتله وعد
وعد حياتك كلها واللى اديتله امانة اكبر من اى حد فينا
اديتله امانة اسمك
يعنى مش شرط تقول كلام حلو يكفى المعاملة تكون كويسة
مش شرط تبقى شكسبير "يا ليتنى كنت قفازا فى هذه اليد حتى المس هذا الخد"
يكفى انك تكون الامير اللى فضل بنت الراجل الفقير
مش لكونه حد رومانسى لا لكونه محب وبيتعامل بشكل كويس وبتواضع

عاوز الحق .. مش شرط انك تتكلم اصلا وتقول اى حاجة
بس تتعامل بشكل كويس هو ده المطلوب
فيه كلام كتير مش بنقوله
بس بيتحس

عبد الله : no comment

انا : shut up
بعد كل ده تقولى نو كومنت

عبد الله : غيابك اثر فيا يا ام يازيد "محمد هنيدى"

انا : هههههههههه كدة فهمت كلامى

عبدالله : ممكن اطلب طلب
انا : بتستأذن ايه الادب ده قول يا ابنى قول

عبد الله : ممكن مش تزعلى منى تانى
انا : وليه بقى ؟!

عبد الله : انا محتاجلك يا هاجر
هقولك على حاجة ومش تنقليها لحد

انا : قول
عبد الله : انا بحس براحة نفسية وانا بكلمك
وبكون مبسوط وبنام وانا متلخبط فمش بفكر فى اى شئ وبنام وانا مرتاح

انا "عينى دمعت اوى .. هاه بكره التثبيت ده" : انا بكره التثبيت ده يا عبد الله

عبد الله : والله يا هاجر دى الحقيقة
انا : هقولك انا كمان على حاجة ومش تنقلها لحد

عبد الله : قولى
انا : مش تستعجل فى الاختيار بكرة لما تدخل الجامعة هتشوف ناس كتير

عبد الله : انا عارف بس مش عارف اعمل ايه ولا عملت كدة ليه
انا : انت قولت لها امتى

عبد الله : فى نفس اليوم اللى اتشاكلنا فيه
انا : اشمعزى ايه اللى كان فى دماغك

عبد الله : المشكله انه مكنش فى دماغى شئ
انا : الجملة دى مهمة اوى

عبد الله : اشمعنى
انا : معنى كدة انك كل ما تبقى فاضى ودماغك رايق بتفكر فيها
والمفروض العكس يا عبد الله

عبد الله : مش فاهم
انا : الحب وهو انك تفكر فى حبيبك وانت فى اصعب حالاتك وانشغالاتك
وانت بتفكر فيها وانت فاضى

عبد الله : وتقصدى
انا : حبك حب مراهقة مش اكتر يا كبير

عبد الله : هاجر انتى هتكرهينى فى البنت
انا : يا سيدى الفاضل مش اقصد بس انا بحلل موقفك

عبد الله : go away of my head lady
انا : هو انت اللى تمشى من دماغى انا هقوم اذاكر الانجلش
وهبقى بكرة احكيلك على اللى حصل ليا

عبد الله : ممكن تلميح
انا : خالد رجع :))

عبد الله : امممم حاسك فرحانه !!
انا : مش عارفة ..اه شويه

عبد الله : اممم هو انا بحب حب مراهقة مش كدة
انا :go away of my head man

عبد الله : بكرة نشوف .. بس احكيلى
انا :........حكيت الموضوع

عبد الله : والله يا جوجو لو عاوزة تحليلى للموضوع انا جاهز
انا : ارغى بسرعة علشان اقوم ازاكر

عبد الله : لا ذاكرى بعدين اقولك
انا : قول يا عبد الله بقى

عبد الله : لا والله ما هقول الا فى الوقت المناسب
انا : رخم رخم رخم

عبد الله : قومى ذاكرى يلا يلا يلا
انا : اوك سى يو

عبد الله : سى يو

"انا احبه ابدا"

قومت وذاكرت
وتانى يوم عدى تمام
وكمان اللى بعده
وفى اليوم تالت الدرس الموعود

رحت الدرس وقبل الدرس
خالد : اممم القطة المغمضة طلع لها ظوافر وبتخربش

انا : ايه ؟!
خالد: وصلتى لإيمان كمان

انا : خالد انا براجع على الحفظ ممكن تجيب من الاخر
خالد : انا مبسوط منك على فكرة .. عرفتى تقطعى علاقتك بيها
وبأيمن وماهى وبالناس دى
حلو ده حلو كملى على كدة
حزن حياتى هيكون يوم ما تصاحبى يا هاجر
اوعى

انا "نعم يا اسطى .. هنعيده تانى" : خالد انت مش بتمل منى يا ابنى انت حاولت معايا قبل كدة
وانا مش هصاحب يا خالد مش هصاحب بجد والله

خالد : والله ما اقصد انا فعلا عاوزك تبعدى يا هاجر
انا عاوز اطلب طلب

انا : اتفضل
خالد : بدون زعل .. عاوز نبقى اصدقاء .. واصدقاء عاديين

انا : بكرة الاقيها منشورة فى الاهرام والاخبار والجمهوريه
ده وقوفك معايا ده اساسا شبهه

خالد : شكرا يا هاجر بس بجد كان نفسى

"اوبس انا شكلى لبخت معاه والله زعلت"

انا : خالد
خالد : نعم
انا :هو انت ليه حلقت شعرك

خالد : ده يهمك اوى
انا : اها

خالد "بصوت واطى اوى" : كانسر
انا : ايه ؟

خالد : السرطان
انا : بعد الشر عليك هو عندك ؟

خالد : .................

___________________________

كفايه عليكم كدة يا حلويييييييين

جهاد محمد

حلمت يا حلمى

عبد الله : مش عارف يا هاجر

انا : انا عارفة يا عبد الله
انا عارفة اننا المفروض العائلات تعرف بعض
بس انا مش اعرفك برة العيلة
مع العيلة اه ممكن بس بره انسانى ارجوك
وهمسة انا هقولها انك بتحبها
وهى حرة معاك بقى

"وساد الصمت للحظات"
عبد الله .. ارجوك ولا كأنك عارفنى انا مينفعش يتقال عليا انى مصاحبه

وكمان فى بنت بتحبك وهتعمل ليا مشاكل اكيد

عبد الله : مين دى
انا : كنت عارفة ان ده اللى هتقوله يا عبد الله .. ده المهم بالنسبة لك اكيد

عبد الله : هاجر علشان مين تقولى انى معرفكيش
وكمان انا قولت لك مش تقولى لهمسة انى بحبها

انا كنت بكلمك كصديقة بس مكنتش اعرف انك هتبعينى علشان كلام

هاجر اللى يقولك حاجة مش فيكى ده عيب فيه ميخصكيش

انا : عبد الله .. انتهى الحوار .. معنديش روح المجازفة
لا واى مجازفة
حدودى معاك انا عرفاها .. ومن دلوقتى هلتزم بيها
وانت يا ريت تعمل كدة

عبد الله : شكرا يا هاجر .. او يا اخت هاجر

"وانتهت المكالمة بإنهيارى"

روحت لماما وحكيت لها

ماما : بصى يا هاجر .. انا مش مع فكرة تكوين صداقة بين الولاد والبنات اصلا
لانها فى الغالب بتتفهم غلط
ولكن كنت ساكته على عبد الله بحكم اننا نعرفه ونعرف عيلته واصله

وبينى بينك انتى كدة صح
فى يوم هيفهم انتى عملتى كدة ليه يا هاجر

وموضوع همسة اوعى تجيبى لها سيرة . انتم لسه صغيرين يا بنتى
وكمان لو عبد الله كلمك اكيد ردى عليه بذوق
انتم برضوه معارف

"كلام ماما مكانش مريح اوى بالنسبة ليا .. انا برضوه خسرت صديق وحد انا بثق فيه .. بس فترة وكله هيتعدل"

نزلت المدرسة
وكان يوم هادى
ورحت الدرس وبرضوه يوم هادى

هادى اوى بعد ما خسرت كل الناس

الحلو قبل الوحش

وبصراحة حاسة انى غلطانه فى كل شئ

وعلشان كدة جت فى دماغى كلمة

النــــــــــــــــــــهاية
وقررت انى اكتب قايمة بكل شئ لازم اعمله قبل ما اموت

وكانت القايمة بتاعتى
1- Lose Weight To Be Like Mummy

2- bring my reality back

3- say i'm sorry 4 abd allah

4- make 5aled walk in the right way

5- say i love u

6- have i fight with a bad girl

7- imagine that .... no i think i will not imagine that

no matter about 7

8- اكل السلطعون الملوف برقائق المش عارفه ايه
لازم اجرب ده

9- do something crazy with my best friend

10- saying i hate u

"كتبت القايمة فى فى نوت وعنتها بعيد"

كنت شفت ده فى فيلم بس الفرق ان صاحبت النوت دى كانت بتأخذها فى كل مكان

وفى الاخر البنت مش عرفت تتنتحر

"انتحر .. فكرة برضوه ... بس هأجلها لبعد النهاية احسن ليا"

بصراحة انا هبلة اصلا مش عارفه انا بقول ايه

انا هزاكر

وذاكرت ونمت واستعديت تماما لوضع انى مش هصحى بكرة
بس فى خلال رحت الذهاب بلا عودة
حلمت
حلمت بحلم اتمنى يتحقق
حلمت انه فيه حد انا بحبه اوى

وغاب عنى فترة ورجع ليا تانى
بس رجع مختلف .. احسن من الاول بس ناقص

ناقص فيه حاجة انا كنت بعشقها

يمكن احسن بس كان ناقص في روحه اصلا

وصحيت من النوم ولاقيت ماما لابسة اسود

"يا اما انا مت بس حلاوة الروح بقى وشايفة ماما .. يا اما فى حد انا بحبه ناقصه روحه لحد ما مات ويبقى الحلم اتحقق"

ماما : هاجر مش كفايه كدة نوم بقى

انا : هو انا نايمة

ماما : امال حضرتك على السرير بتهزرى

انا : انا مش مت يا ماما

ماما : انتى بتحلمى .. انتى غيبتى من المدرسة

انا : وانتى لابسة اسود لانى غايبة

ماما : انتى هبله يا بت
انا نازلة مشوار وراجعة
وانتى قومى ذاكرى

"انا بالفعل قومت بس الحقيقة مش ذاكرت"

كان التليفزيون هو القرار السليم ليا فى الوقت ده
اتفرجت على التليفزيون لحد ما زهقت

بس اترفعت روحى المعدنية شوية

وذاكرت للدرس ونزلت الدرس الموعود

ولاقيت خالد رجع

وكان واقف مع ايمان
وانا طبعا بوظت علاقتى بإيمان

فكان من الطبيعى التلقيح

إيمان : يا ربى الجو بقى حر فجأة ليه
خالد : ما هو الجو من الصبح حر اشمعنى دلوقتى

إيمان "كانت بتغمز له": واحشنى يا خوخى
خالد : هنهزر ايه خوخى دى

إيمان : انت مش طبيعى
خالد : لو انا كدة مش طبيعى .. يبقى انا نفسى يا رب افضل على طول مش طبيعى

وانا اتحركت ساعتها ومشيت من جنبهم
وخلصنا الدرس وبعد الدرس راح خالد يسلم على المستر فهى اول حصة من فترة

المستر : الف حد لله على السلام يا خالد .. يلا شد حيلك وعوض اللى فاتك

"هو خالد كان تعبان ولا ايه .. وببص عليه اوى وبرقت الحقيقة"

خالد "بإبتسامه رائعة زى اول يوم ليا فى الدرس وبصوته الجامد طحن جدا ده" :
سمعت انك كنتى بتستعدى للحرب
بس انا تعبان ومش قادر وحلقت شعرى زى ما انتى شايفة
يعنى اى ضربه منك على دماغى هموت

فكفاية حروب

انا اساسا معنتش قادر اقاومك

انا "بكل احتقار" : والمفروض انى اصدق زى اول يوم

خالد : والله انتى حرة ده شئ يرجع لك
بس خفى اللعب شوية
واّه مبروك عبد الله

انا "يا ابن الــ .. انا كنت عارفة انك هتضايقنى" : بص يا مستر عاوز تصدق صدق .. بس لو صدقت يبقى الحرب مستمرة الى الابد

خالد : بحب حماسك .. بس انا قولت انى مش مصدق ..مش انتى اللى تصاحبى

انا "هاااااااا" : بجد قولت كدة

خالد : طبعا .. اللى ترفض خالد عمرها ما توافق بحد تانى

انا "بكل عصبية": انت بارد ومغرور .. يا رخم

ضحك خالد بفتور ومشى

مشيت انا كمان وفى الطريق افتكرت الحلم

جه فى دماغى انه ممكن يكون اتحقق

بس انا مش بحب خالد
ومفيش حاجة انا كنت بعشقها فيه

لالا اكيد مش خالد

وكملت على البيت

بس بجد انا اتبسط اوى بجد بجد

على الرغم انى شتمته وعلى الرغم انه كان بتكلم بغرور
بس اولا واخيرا هو قال انه مش مصدق انى مصاحبه

اترفعت معنوياتى اوى بجد

واتخذت اصعب خطوة فى حياتى

انا اسفة جدا جدا جدا بجد .. فلتسامحونى سيادتكم .. كم كنت حمقاء وبلهاء

فلتسامحونى ارجوكم

send to : abd allah

واذا برساله بتقول

_____________________________________

حلو اوى كدة بقى ان شاء الله ليكم حلقة كمان قريب اى زى المرة دى

جهاد محــــــــــــــــ ^_^ ــــــــــمد

انا مصاحبة يا جماعة .. انا مصاحبة

"يا سبحان الله والله الواد واحشنى الشكل معاه لية يمشى "

ايمان : هاجر هو مجاش ليه؟

انا : بتحبيه ليه؟

ايمان : عارفة لما يكون حد انتى فعلا واثقة فى انه كويس ورائع بس عليه غبار
بتكونى حابه انك تعيشى تجربة المنظف وانك تشيلى الغبار ده

انا : وافرضى شيلتى الغبار ولاقيتى ان لونه الاساسى اسود

ايمان : ساعتها هكون عشت تجربة واتعلمت منها حاجة
اكيد هكون اتعلمت

انا : طيب هو بيكلم كل يوم واحدة وانتى كل فترة بتعيطى ايه برضوة اللى عاجبك
يعنى اعتقد بلاش توجعى دماغك احسن

ايمان : فكرى شوية .. هتلاقى انه من الممتع انك تعيشى تجربة زى دى دلوقتى
احنا لسه صغيرين ولازم نتعلم ولازم نعرف
ممكن اعيش نفس التجربة قدام بس ساعتها هيكون فات الاوان

انا : فات ايه ؟

ايمان : انتى مفيش خالص

انا : بجد اتكلمى

ايمان : لما تكبرى هتعرفى

"ووقفت ايمان"

انا : وقفتى ليه

ايمان : لان ده بيتنا .. اتفضلى شاى

انا :لا شكرا سلام

"وروحت البيت والافكار فى دماغى بتأكلنى"

يا جماعة البيت اللى انا شفته ده مبهر
البنت بجد غنيه

غنيه اوى

لو ممكن يطلع مثلا زى الافلاموتطلع بنت البواب

بس اكيد لا خالص البنت دى لبسها حلو

oops

البنت بتحب خالد

ده معفن

وقال تجربة ومغامرة .. صباح الخير يا egypt

اّه يا ربى على الهبل ده

المهم كالعادة اشتغل المحقق كونان

"عادتى ولا هشتريها"

نزلتت المدرسة
شلة الانس

هاى يا بنات
انفضت شلة الانس

عارفين وكأنى كورة اترميت فى طربيزة بليردواااااااااااا

روحت لواحدة وأخذتها على جنب
ممكن اعرف فيه ايه

هى : بعد ما صحتى معدش فيه بينا مصداقية بقى

انا : انا صحبت امتى وازاى وصاحبت مين
بالله عليكى قوليلى لانى مش اعرف

هى : هاجر استهبال مش بحب .. عبد الله يا هاجر

انا : عرفتيه منين

هى : عبد الله ده حبيبى يا مامى ولا هتقدرى تأخذيه منى

انا : لالا بجد براحة انا مش فاهمة والله

هى : انا شفتك واقفة معاه

انا : ايوة بس مش متصاحبين .. انا واقفة عادى.. عبد الله ابن خالتى "يا رب سامحنى"

هى : هاجر الكلام ده مش هيخيل عليا انا عارفة التصرفات دى

انا : بصى براحتك بقى مصدقة مصدة مش مصدقة عيشى يا ستى
وهو انتى بتحبيه؟؟!!

هى : اّه يا هاجر

انا : من امتى

هى : يعنى من فترة كدة

انا : وبتحبيه ليه

هى : التجربة يا هاجر التجربة

انا "كل واحدة حابة تجرب على دماغى انا باين" : بتجربى ايه بقى ؟!

هى : غموضة مش طبيعى .. غامض يا هاجر غامض

انا : اّه هو غامض .. بس ايه المطلوب

هى : ممكن تكلميه ليا

انا : damn the life lady :|
مش انصحك بعبد الله

هى : ليه
انا : مش من اختصاصى بى انى اقول بس مش انصحك وخلاص

هى : يبقى مصحباه

انا : طيب عاوزة حاجة بقى سلام

وخلعت انا منها

وحت البيت وذاكرت ليا كلمتين
ونمت لحد تانى يوم

نزلت المدرسة

وقابلت شلة الانس تانى

بس المرة دى انا اللى تجاهلتهم عن عمد

بينى وبينكم طول الحصص كان شاغل تفكيرى خالد

واحشنى يا خالد والله
وكمان موضوع ايمان

وقابلت ايمان
ايمان : هاجر يا حبيبى ازيك
انا : تمام وانتى يا ايمى

ايمان : يعنى بخير .. واحشنى خالد

انا : ايمان بتحبيه بجد ولا هتقضيها؟!
ايمان : انتى هبله يا هاجر .. مين يحب حد مش من مستواه الاجتماعى

انا : مش كانت تجربة ونشيل الغبار والبرنجان
ايمان : هى تجربة اه بس برضوة حتى لو عملت كدة وكمان هو بيحبنى مش هتجوزه فى يوم من الايام

انا : نعم يا اختى ليه بقى؟!
ايمان : مستوايا اعلى من كدة يا هاجر

انا : ايمان انا مش عاوزة اشوف وشك تانى ممكن؟!
ايمان : نعم

انا "بكل عصيبة": سمعتينى يا ايمان .. مش عاوزة اشوف وشك

وسيبتها ومشيت

وفى اليوم ه كان عندى درس وانا رحته
وبعد الحصة رحت لمؤمن

انا : السلام عليكم
مؤمن : وعليكم السلام ورحمة الله وبركاته
ازيك يا هاجر

انا : الحمد لله تمام .. وانت وخالد

مؤمن : خالد بخير يا هاجر . انتى عوزاه فى حاجة

انا : لا بس مختفى قولت غاص مع واحدة جديدة
مؤمن: بعد عنك خالص

انا : راح فين
مؤمن : مسافر لفترة ومش هيرجع دلوقتى

انا :مش فيه دراسة ولا ايه
مؤمن : هاجر هاتى من الاخر

انا : بسأل على عدوى علشان اجهز نفسى
مؤمن: اوك يا ستى خدى راحتك

انا : طيب سلام
ومشيت على وشى كل الالم لفراق العدو
على رأى الفنانة شرين فى حد يقدر يعيش من غير الم

وعلى ذكر الالم طلع ليا فى البخت

ايمن وماهى

ايمن : اخت هاجر السلام عليكم
انا وماهى : وعليكم السلام

ايمن : لو سمحتى انسحبى من الجروب بتاعنا
انا : "للمعلومات انا مش انضميت للجروب" وليه بقى ??!

"خبيثة موت انا so mean"

ماهى : انتى مصاحبة يا هاجر

انا : وماذا عنك يا اختاه ؟!
و ايضا ايها الاخ الفاضل ايمن ماذا عنك ؟!

"كنت فى قمة العصبيه >> مش نقصاهم انا يا الله"

ايمن : نعم يا اخت

انا : ايمن .. انا متضايق ومتعصبة ومش شايفة قدامى . ولو نطقت بكلمه كمان
صدقنى مش هيكون كويس

ايمن : انتى وعبد الله مش لايقيين على بعض على فكرة

انا : امشى يا ايمن انت والزفته بتاعتك .. وانا مش مصاحبة ومش مشتركة فى الجروب بتاعكم .. مش يشرفنى اصلا انى اشترك فيه .. يا بنى ادم انت بتضحك عليا ولا على نفسك .. انتم بتكدبوا على بعض بأسم الدين

ايمن : وانتى بأسم ايه .. اه بس انا مش مصاحبة
ماهى : مبروك يا انسة عبد الله

انا : الله يبارك فيكى عقبالك لما تكونى انسه حد غير ايمن :|

"انا وقحة وعمرى ما كنت كدة .. يا الله ايه اللى حصل ليا بس"

رجعت البيت واتصلت بعبد الله

عبد الله : السلام عليكن جوجو ازيك

انا : الحمد لله .. ايه جوجو دى يا عبد الله

عبد الله : اسف يا هاجر تعديت حدودى باين

انا : لالا انا اللى اسفة انا عندى مشكلة وانت السبب

عبد الله : عارف

انا : من امتى

عبد الله : من اول ما الدراسة بدأت

انا : ومش كلمتنى ليه

عبد الله : محج منك لانى عملت مشكلة

انا : وهتعمل ايه

عبد الله : _____________

____________________________________

ده اللى هتعرفوه خلال يومين

انا مش هعتذر علشان انا اتأخرت شهر تقريبا

انا بس هقول انا موظفة ^_^
فى شغل ابى

وانا فعلا اسفة اوى بس بحوش علشان اشترى موب وده يستدعى بعد عن اى شئ تانى

الموب مهم لاى حد وانا عاوزة nokia n900
مش اى حاجة يعنى
^_^

بالله عليكم التمسوا ليا العذر وسرى بجد

صباح الحب

انا جهاد اتحدث اليكم
اسفة اوى بجد بس انا كنت فى فترة امتحانات
ويا ريت تعذرونى

ملخص بسيط اوى للى حصل لهاجر

اتعرفت على عبدالله وهو الواد الغامض ابو كاب
واصحابها عرفوه وبقوا اصحاب اوى
وبعد كدة هدير صحبتها "اللى صاحبت من فترة" حست انها بتحب عبد الله
وهاجر كانت هتقول لعبد الله ولكن
عبد الله قال لهاجر

عبد الله : hamsa .. is she in love

انا : i don't know .. but i think no

عبد الله : i fallin' in love hageer .... help me no more options


وبــــكدة انتهى الملخص والموجز وهنبتدى الحلقة

___________________________________________

انا : really .. are u kidding me ???

عبد الله : no .. i'm so in love hageer plz help me

انا : in love with whom ?

عبد الله : wake up hageer . i'm in love with hamsa

انا : الكلام ده حقيقى ولا بجد

عبد الله : والله ما رايق لك دلوقتى
انا : خلاص يا عم انت هتأكلنى

عبد الله : هتعملى اية

انا :"هدير بتحبه وهو بيحب همسة اعمل اية انا" عبد الله بص احنا مش بنصاحب ولو انت ناوى على كدة مش احنا اللى هننفعك اوى

عبد الله : والله وبالله انتى هبلة
هاجر انا اول حد اكلمه فى حياتى هو انتم
واول بنات اشفهم كتير انتم
واول واحدة حسيت انها اختى هى انتى
واول واحدة حسيت انها شبهى هى همسة
فلازم احبها

انا : عبد الله انا مقدرة بس الكلام ده احتمال كبير اوى مش يمشى معاها

انا عارفة اصحابى

عبد الله : خلاص سيبك لما الوقت يبقى مناسب انا اصلا عاوز اركز فى المذاكرة

اانا :"اّه يا هدير" هو انا لو قلت لك ان فيه واحدة تانية بتحبك هتعمل اية ؟؟

عبد الله : بكل ذوق هروح اقولها تنسانى

انا : لا يا واد بسهولة كدة .. هنهزر انت كدة هتجرحها اوى

عبد الله : هى مين دى

انا : افتراض يا عبد الله مجرد افتراض

عبد الله : امممممم اوك
انا تعبان يا هاجر

انا : نار الحب بتوعج مثلا

عبد الله : انتى ايقة

انا : والله تعبانة اكتر منك

عبد الله : نار الحب ؟

انا : نار الصداقة

عبد الله : ليه ؟
انا : لالا حوار كدة سيبك انت .. مبسوط؟

عبد الله : جدا :] اتمنى تجربى شعورى

انا : اتمنى انك تركز فى شعورك وتسيبك منى انا

عبد الله : طيب انا قايم
شكرا يا هاجر من غيرك كنت هفرقع من الالم

انا : اى خدمة يا ايها الفاضل "يا من ازادنى الماً"

هااااااااااجر هااااااااااااااااااجر

انا : ايوة يا ماما

ماما : تعالى المسلسل بدأ

روحت واتفرجت على المسلسل والحقيقة جات فى دماغى فكرة جهنمية

ومش هقولها لكم دلوقتى

وروحت انام وتانى يوم اول يوم المدرسة

وبدأ الترم التانى بهمه وقرفه الحقيقة

روحت المدرسة

هاجر حبيبى
انا : ازيك يا حبى ازيك يا ايمان عاملة اية

"طبعا مش فاكريين ايمان .. ارجعوا بالذاكرة لورا شوية وساعت ما قبلت سمر فى النادى ولاقيت معاها بنت بتعيط وطلعت مصاحبة خالد"

ايمان : هاجر انا اسفى انى مكنتش لطيفة المرة اللى فاتت

انا : عادى يا عمرى عملتى اية مع خالد

ايمان: انتى عارفاه

انا : هههههه ده عشرة يا بنتى .. عملتى اية ؟

ايمان : انا بحبه يا هاجر

"اية الناس دى اى كلام ممكن يتقال لاى حد كدة"

انا : بس ده بيصاحب كتير اوى

ايمان : انا هربيه

انا : ازاى يا ايمى ؟؟

ايمان : انا هاجى معاكم درس الانجلش وهبقى اقولك تو داى

انا : حبيب قلبى .. هتنور

"مبسوطة فيه اوى"

روحت وبعد كدة نزلت الدرس

قابلت ايمان
انا : هتعملى اية ؟

ايمان : استنى هتشوفى يا جوجااا اصبرى بس

"على الرغم انى بكره اسم جوجااا ده ولكن ماشى :|"

والمهم فى الاخر خالد مش جه

"يا سبحان الله والله الواد واحشنى الشكل معاه لية يمشى "

__________________________________

ويا الله
الحلقة خلصت

و والله ليكم حلقتين فى يوم الجمعة وواحدة فى نص الاسبوع ان شاء الله

^_^

حب من طرف تالت"هم بيحبوا بعض وانا بروح احب معاهم :P"

وفضل عبد الله وهمسة

وجود عبد الله وهمسة مع بعض يعنى انه مش هيكون فى بينهم اى كلام

وده لان الاتنين اصلا هاديين اوى
ولكن المفاجأة كانت فى اننا رجعنا ليناهم بيضحكوا وبيتكلموا عادى

"كويس بدأ يحصل الفه"

المهم وصلنا
هدير : الله الله ضحك وبيبسى سيبتم اية معملتهوش

نور : بتضحكوا على اية بقى

عبد الله : اصلنا كنا بنتكلم عن كتاب السيدة الاولى وكنا افتكرنا بعض الاميرات اللى كانوا بجد اغبيا

همسة : مش اغبيا بس تصرفاتهم غريبة اوى

انا : كتب حتى فى ضحككم يععععععععع

وبعد نقاشات دامت لساعة فى موضوع الكتب

اتعرفنا على والدة ووالد

والله كانوا طيبيين غير المنظر المخيف اللى فات

هم مشوا واحنا مشينا وخلص اليوم
وتانى يوم المفروض انه جمعة ما قبل الدراسة

نمت وصحيت واول ما صحيت روحت لماما

انا : صباح الفل يا مولة قلبى من جوا

ماما : مولة !! اية الالفاظ دى ؟! البنت المفروض تصحى من النوم تقول صباح الجمال والحلاوة والعسل لمامتها

انا : اية السوبر ماركت دة عسل وحلاوة مع بعض
وبعدين كدة السكر يزعل

ماما : وبعدين بدل ما تقوليلى يا طنط ؟! الا عمرك ما قولتى لى يا طنط
انا : طنط هههههههههههه ماشى يا مامى

اعمليلى بقى نسكافيه تقيل زى النهاردة

ماما : بدل ما تقولى يا فتاح يا عليم يا رزاق يا كرم افتحها فى وشى ووش اهلى تقولى يوووم تقيل

انا : بكرة المدرسة يا ماااااااااااااماااااااااااااا

ماما : بصى لنصف الكوباية المليان يا هاجر كلها شهرين وتأخذى الاجازة الكبيرة

انا : يا رب يا ماما تعبت اوى

ماما : برضى فكرى فى النص المليان ... اية اللى استفدتيه السنة دى

انا : غير اصحاب جداد مفيش

ماما : خلاص اديكى استفدتى ... بصى اتعلمى ان اى حاجة تستفيدى منها هى حلوة

وصدقينى كل حاجة فى الحياة حلوة علشان كل حاجة بستفيدى منها

حتى الغلطة حلوة لانك اتعلمتى منها حاجة

انا : اامممممممممممممم ممكن

ماما : برغوة؟؟

انا : اية ؟؟

ماما : كابتشينوااااااااااا

انا : يا راجل افتكرتك بتتكلمى عن ابوا رغوة بتاع المخدرات .... لا نسكافيه يا عمرى انا ... يا احلى طنط

ماما : يلا قومى اكوى هدوم المدرسة

انا : لا كمبيوتر الاول

وقمت على الكمبيوتر واهوه اخر يوم ولازم استفيد لاّخره

اول ما فتحت الميل
هدير : هاجر مستنياكى من الصبح

انا : لية خير

هدير : انا عاوزة اسألك على حاجة

انا : ارغى يا عم الامور

هدير : انتى بتحبى عبد الله

"!!what"

انا : لا طبعا يا هدير مفيش حاجة زى كدة خالص

هدير : هاجر انا مش هعلق لك حبل المشنقة على فكرة

انا : هدير يا عمرى والله ما فيه حاجة

هدير : امال لية انا حسيت انك غيرتى اوى عليه

"oh boy ... what a stupid shot"
انا : انا ؟! والله ما حصل بالعكس انا مبسوطة انه بيندمع معاكم بالسرعة دى

هدير : امال ليه نور شاورت عليكى امبارح اول حاجة

انا : هى حرة يا هدير وانا مالى

هدير : يعنى مفيش اى حاجة خالص كدة ولا كدة

انا : لا والله خالص

هدير : :) ريحتينى

انا : اشمعنى ؟..

هدير : i think i'm fallin' in a big love

انا : "وللمرة المتين"what ?!

هدير : what what?!

انا : do u love him? :)

هدير : i think

انا : wow .. yay .. oh

هدير : يعنى انتى مش زعلانه

انا : لا والله يا بنتى انا فرحانه لك .. هو يستحق حد فى جمالك ودلالك

بس انا مش فاهمة اية اللى ممكن اقدمه ليكِ

هدير : مفيش بحكى معاكى مش اكتر

انا : اوعى تقوليله

هدير : انتى هبلة اكيد لا

انا : :)good 4 u

هدير : now .. i think i love u not him

انا : لا انا عوزاكى تحبيه هو يستحق

هدير : بموت فيكى :)

انا : وانا كمان

وانهينا الشات

وقومت انا للمكوة حبيبتى وكويت هدومى واتفرجت على المحقق كونان

"انا بحب كونان حد له عندى حاجة"

وبعد ما خلصت تليفزون رجعت تانى للكمبيوتر

"اية ؟! انا فى اجازة يا حاج"

فتحت وفضلت شوية مع البنات على الشات

ودخل عبد الله

اتكلمت معاه كلام عادى اوى فى الاول

ولسة هلمح لموضوع هدير

لقيته بيقول

عبد الله : hageer may i ask u a qus

"اموت واعرف ليه كل اللى بيتكلم عن الحب بيتكلم بالانجلش .. لية ... لية برضوه""

انا : go ahead
عبد الله : hamsa .. is she in love

انا : i don't know .. but i think no

عبد الله : i fallin' in love hageer .... help me no more options

______________________

كفاية كدة بقى

واكيد لكم انتم كمان no more options

سورى على التأخير امتحاناتى بدأت فى المدرسة وبعدها العملى وبعدها اخر السنة وبعدها افوق لكم ان شاء الله

سى يوووووووووو

جهاد محمد

نور مين دى كمان

بس المفاجأة مش شفنا عبد الله خالص

وكانت قمة الذكاء منى انا وهمسة اننا نعتمد على هدير

هدير الفزلوكة "اللى جاية من فزلكة" قالت بما ان احنا 14 سنة لازم ندخل مكتبة الاطفال

وطبعا انا همسة مش غاويين قراءة اصلا وبالنسبة لنا هى دى اخر حاجة بنفكر فيها

فمشينا ورا هدير

هدير دخلت على قسم الاطفال علشان تلعب مع اطفال الحضانة
"قسم خاص للاطفال اللى فى الحضانة"

همسة اتجهت لهارى بوتر

وانا دروت على عبد الله فى كل مكان وبلا جدوى

وفى الاخر نزلنا شوية فى حديقة المكتبة ووقفنا على النيل

هدير : يعنى جينا وملقيناش حد

همسة : انا هموت من الفرحة هارى هارى هارى بوتر

انا : انا هموت من الشلل

همسة : والله ما همشى الا لما المكتبة تقفل । اعضوا هنا جنبى وانا بقرأ

هدير : وانا برضوة عاوزة اكمل الكتاب ده

انا : وانا هعمل اية

هدير : اقرائى ده واتسلى

وادتنى همسة كتاب للنكت

اخذته وفضلت واقفة قدام النيل

وفجأه من ورايا

عبد الله : اخيرا يا ست هانم بتقرأى وينى بتقرأى اية

فرفعت له الكتاب

عبد الله : نكت ॥ حسبى الله ونعم الوكيل

انا : انت جيب امتى

عبد الله : من 8 الصبح

انا : واحنا । امال كنت فين يا مستر

عبد الله : فى مكتبة الكبار

انا : اّه ادى اخرت اللى يمشى ورا هدير

عبد الله : هم فين صحيح

انا : تعالى ورايا

ورحنا الكافية ولاقيناهم منهمكين فى القراءة

عبد الله : ليكوا مستقبل مش الاخت بتاعت النكت دى

انا : بس بقى

همسة : والله انا مستمتعة جدا

عبد الله : خير خير

هدير : الا قولى يا عم ॥ انا سمعت انك منطوى ومش عارفة اية । مالك منكشح معانا ليه كدة

عبد الله: لو متضايقة اقوم

هدير : لا والله ॥ مش قصدى بس احب افهم

عبد الله : مرتاح لكم مش اكتر

همسة : منورنا

"وانا دخلت فى سابع غيبوبة"

سرحت جامد جدا سامعة كل حاجة حوليا ولكن مش قادرة انطق وكل اللى عليا متنحة

المهم انه هدير وهمسة وعبد الله فضلوا يتكلوا واذا بيهم بيقولوا

هاجر يلا هنروح

انا : ماشى يلا

عبد الله :طيب هتيجوا بكرة

انا : لا

هدير وهمسة : اّه طبعا

عبد الله : لية يا هاجر

انا : مش قادرة عاوزة انام براحتى واخرج بليل على النادى

هيدر: نعمل ده وده احنا فى اجازة

همسة : اها لية لا

انا : تعبانة يا شباب بجد

عبد الله : خلاص على راحتك

ورحت البيت وكل التعب على كتافى منمتش من ايام الامتحانات بسبب عبد الله ما انتم عارفيين

نمت طول اليوم وصحيت بليل اتغديت وفضلت مع ماما لوحدينا فى البيت

اتفرجنا على فلم وكنا هنشوف التانى

ولكن ماما بدأت

ماما : قوليلى اشمعنى روحتى النهاردة المكتبة مش عادتك

انا : فاكرة عبد الله اللى كنت واقفة معاه فى خطوبة معتز

ماما : اّه الواد الحليوة دة ॥ اية حكايته

انا : مافيش يا سوسى "مين سوسى" ده ابن خالت الاء وزميلى فى الدروس

وكانت قايلة ليا انه معندوش اصحاب وهى عوزانا نبقى اصحاب يمكن يتلحلح ويتحرك وكدة

وقالت له انى منطوية وانه يجى يكلمنى فاتكلمنا مع بعض وهى اصلا زميلى فى الدروس وعاف اللى حصل مع خالد ففضلنا نتكلم عنه

ماما : واية اخبار خالد ده كمان

انا : تخيلى مشفتوش فى ايام المراجعة ॥ بس احسن والله

ماما : المهم اية علاقة عبد الله بالمكتبة برضوة

انا : "لسة فاكرة يا ماما ده انا نسيت" اّه يا ستى هو كان بيشجعنى على القراءة وقالنا نروح

ماما : قالكم ؟

انا : انا وهدير وهمسة يا ماما

ماما : طيب كويس ॥ ياك تقفى معاه لوحدكم

انا : وده من باب .......... ؟

ماما : بدون ببان انا بقولك اهوه مش ناقصيين حد يقول عليكى حاجة وحشة

انا : اللى يقول يقول يا ماما واحنا مالنا بيهم

ماما : ولما تيجى تتخطبى وخطيبك يسأل عليكى يقولوله اية؟

انا : يقولوا اللى شايفينه هو انا بمشى مع حد ورلا بخرج ولا بصيع ..... اية الكلام ده يا ماما

ماما : هاجر سمعتى كلامى ولا لا

انا : حاضر يا ماما

المهم عدى الاسبوعين بتوع الاجازة هوا

كل يوم مكتبة ونادى

مكتبة وعبد الله معانا اما النادى انا والبنات

لحد اخر يوم فى الاجازة وانا والبنات فى النادى لقينا عبد الله وعيلتة داخليين

الاب والام لابسيين اللون الاسود القاتم ومشيين قدام

البنت والابن وراهم بخطوتين بالضبط
ولابسيين الابيض الفاتح المائل الى السكرى

"بينى وبينكم انا خفت من المشهد"

وفى كل اختاروا طرابيزة وقعدوا عليها

وبعد عشر دقايق عبد الله واخته دخلا عليها

نور "اخت عبد الله" : هاى يا بنات انتم اصحاب عبد الله مش كدة انا نور

هدير "ابتسامه صفرا" : هاى نور

انا وهمسة : يا دى النور يا دى النور ... منورة والله يا نور

عبد الله : اختى الكبيرة

نور : اّه انا الكبيرة ... بس الاروش

عبد الله : بالضبط كدة

نور : قولى يا واد مين فيهم صحبتك

عبد الله : كلهم اصحابى

نور : لا يا كائن الــجيرل فرند يعنى

عبد الله : نور انتِ عارفة مليش فيه اسكتى بقى

نور : والله اكيد دى

"وشاورت عليا"

هدير : المهم انتى فى سنة كام يا نور "بتحاول تضيع الموضوع حبيبتى حبيبتى"

نور : انا فى تانية ثانوى عقبالك

انا : شر ولا بد منه

همسة : ربنا يستر ॥॥ ناوية على اية يا نور ان شاء الله؟

نور : برصى كل اللى يجيبه ربنا كوويس بس انا اتمنى صيدلة الحقيقة

انا : حلوة صيدلة الله يكون فى عونك

نور : يا رب

والمهم روحنا وقعدنا على رابيزة احنا الخمسة ورغى فى رغى

وانا وهدير ونور استأذنا نروح نشترى حاجات

وفضل عبد الله وهمسة

_______________________________-

واكمل الحلقة اللى جاية علشان تعبت بجد

جهاد محمد

الامتحانات وانا والنجوم وهواك

رجعنا واحنا فى العربية انا زى المغمى عليهم من شدة التعب وماما وبابا عمالين كلام عن الفرح واخوا already نام

روحت البيت وفكرت شوية فى موضوع القرأة ده

انا اقرأ؟! انا ؟

المهم تانى يوم بدأ العد التنازلى واللى يمثله اسبوعين على بدأ امتحاناتى الشبة مصيرية لانها هتحدد

ثانوى عام ولا ..........

صحيح هى امتحانات الترم الاول ولكن برضوة مهمة

المهم تحولت حياتى وفجأة الى مطحنة دائمة العمل

24 ساعة واديله ادى

بس كانت اهم حاجة واللى هتشفى غليلكم انى كنت بدور كل يوم على عبد الله فى الدروس

يمكن عبد الله هو كان المحور الاساسى فى الاسبوعين دول

والحمد لله انهم عدوا على خير وبكرة اول امتحان

وبما ان النهاردة ليلة الامتحان الاول اللى نقضيه سوا لازم اعرفكم على اسلوبى المتبع

اول حاجة بعملها برفع البطانية وتانى حاجة بدخل تحتها وتالت حاجة بنام

علشان بكرة الامتحان

صحيت الصبح بدرى "وهروح المدرسة"

احم احم بغض النظر

اول ما وصلت المدرسة وده بعد معاناة ان ماما تسيبنى انزل بدون فطار لان نفسى مسدودو وبطنى وجعانى موت

"وبرضوة اكلتنى ... جبارة تلك المرأة الحنونة"

المهم رحت ووصلت على بابا المدرسة واذا بى ارى اجمل من يمكن ان يراه المرأ فى حياتة

"اوعوا تكونوا فكرتوا فى عبد الله" لانى لقيت اصحابى واللى مدرستهم بتبعد 1/2 ساعة من مدرستى واقفين ليا

هدير : ما لسة بدرى يا هانم

همسة : صباحك نعناع

انا : يا اجمل اتنين فى الكون

هدير وهمسة : انتى الاجمل

انا : الامتحانات موحدة يعنى تخلصوا وتليفون على طول واعرف اية اخباركم

هدير : مش معايا رصيد هع هع هع

همسة : وانا معايا رنة

انا : اه يا فقرانين انا هتصل بيكوا خلاص

هدير : تعالوا نروح سوا انا هعدى عليكى يا همسة واخدك ونيجى هنا لهاجر

همسة وانا : اشطا جدا الديك بيدن "فى نفس واحد قولناها"

همسة : عاوزة حاجة حمرا علشان اتجوز قابلك

انا : انا لبسة احمر يا وردتى يعنى انا الاول

هدير : بعد اللى شفناه فى الخطوبة انا اتوقع

همسة "بخبث" : وانا كمان

انا : هتتأخروا لسة قدامكم ساعة بس

هدير : اوك هنشوفك ان شااء الله بعد المدرسة

دخلت المدرسة وانا محبطة الى حد كبير

واخيرا لاقيت اللى هيفرج عنى همى

فاكرين البنت اللى كانت صاحبه معتز واتشاكلنا مع بعض لما انا ضربته

هى : هاجر

انا : صباحك عسل اى خدعة

هى : انا اسفة

انا : على اية ؟ "سوسة انا"

هى : انا زعلتك كتير وبجد انا اسفة يا هاجر انتى تستحقى كل خير

انا : شكرا وبعدين مش اسفة ولا حاجة لانه محصلش حاجة لكل ده صدقينى

هى : لا حصل انا زعلتك وانا اسفة .. وعلى فكرة انتى صح وكلامك صح

ربنا معاكى

انا : شكرا وانتى كمان

وروحت على فصلى وكانت معناوياتى فوق السحاب ب 13 متر

وحليت كويس فى الامتاحن الاول وهو العربى

واتصلت بالبنات والحمد لله تمام جدا كلنا

والامتحان التانى بقى اللى كان بجد صعب

كان امتحان خط ومش قادرة اقولكم الخط مايه

مايه على الاخر ^_^

المهم وانا خارجة فضلت واقفة طبعا النص ساعة اللى بين مدرستى ومدرسة البنات

المشكلة انى كنت فاكرة هلاقى ناس كتير واقفة بس لاقيت العكس كله روح على بيت

عدى انا وشوية ولاد فسلا

وعبد الله واقف لوحده بعيد

انا طبعا مش قادرة اقولكم هموت اعرف عمل اية

بس كبريائى منعنى

وفجأة الولاد اللى كانوا واقفين مشوا وببص على عبد الله

مش لقيته

احباط رهيب نزل عليا من السما

فجأة من ورايا

عبد الله : انا واثق انك حليتى كويس وعلشان كدة مش هسأل

انا : انت جيت منين

عبد الله : حلوة الحركة مش كدة قولت اشتغلك شوية

انا : لا والاء بتقولى علي هادى ومنطوى

عبد الله : ده حقيقى بس احنا اصحاب وانا مع اصحابى اجتماعى ومنكشح

انا : قول لى ماشى يا عم المنكش .. عملت اية ؟

عبد الله : احسن منك طبعا

انا : انا واثقة من ده اساسا

عبد الله : الله يخليكى .. مستنية مين؟

انا : صحابى وانت ؟

عبد الله : انا مستنى اشوفك مشيتى علشان الصيع اللى كانوا واقفين دول كانوا قلقنى اوى

انا : "اية ده كل ده ليا انا ؟!" ميرسى يا عبد الله ربنا يخليك

عبد الله : هيخلينى ان شاء الله طول ما انتى كويسة

وجم البنات

هدير : اية رغى فى الخطوبة ورغى وفى الشارع

عبد الله : صحبتك رغاية اوى

انا : نعم ؟!

همسة : لا مش تقول عليهات كدة دى عسلية خالص

عبد الله : انا بهزر والله

هدير : لا هاجر زعلت

عبد الله : والله انا اسف وانا مش اقصد بهزر

انا : انا عارفة :) مش تقلق وبعدين ليه اسف دى

عبد الله : سورى

هدير : لا فرقت اسف من سورى

همسة : بكرة عندنا دراسات هه يعنى رغى كتير مش ناقصين

انا : اه يلا بليز عاوزة انام

عبد الله : بتقولك دراسات يعنى دش كتير وتقولى نوم .. روحى ذاكرى

هدير : لا هاجر مش بتذاكر ايام الامتحانات

عبد الله: نعم.. لية يعنى ؟

انا : هحكيلك بعدين اصل هى دى عادتى

عبد الله : عادة غبية اقطعيها وذاكرى .. دى سنة مهمة

انا : ارجمونى .. حاضر يا عبد الله هذاكر

عبد الله : ماسى

انا : اشطا سلام

هدير وهمسة : سلام يا عبد الله اتشرفنا بمعرفتك

وفضلنا يوميا على كدة

بس مع اختلاف واحد انى بقيت بغير من نظامى

وبدل ما ارفع البطانية

قعدت على الكتاب

واسبوع الامتحان كله كان على هذا الحال

وفى اخر يوم شوفنا عبد الله

عبد الله : اخر يوم اشوفكم والله كنتوا مسليين

هدير : على اساس شايف ارجوزات حضرتك

انا : على طول كدة .. خفى

عبد الله : والله وبالله مش اقصد

هدير : انا عارفة بهزر معاك

انا : الايام جاية كتير يا عبد الله

عبد الله : واللله الحقيقة انتم اصحابى دلوقتى .. خايف البس جيبة بعد كدة

همسة : ركز شوية مش هتلاقى ولا واحدة فينا لبسة جيبا

عبد الله : تعبير مجازى اقصد

هدير : لا متخافش معاك رجالة

عبد الله : بالنسبة لك انتى انا عارف :P

هدير :لا والله بقت كدة يعنى

عبد الله : انتى عسل يا هدير وانتى عارفة كدة كويس .. عموما اشوفكم فى المكتبة ولا اية يا هاجر

انا : "وبمثل حبة عبط" اية بتقول حاجة

عبد الله : لا يا هاجر انتى موعدانى اياكى ومش تيجى

هدير : مكتبة كتب احمدك يا رب .. انا جاية

عبد الله : الله عليكى يا هدير بجد . وانتى يا همسة ؟

همسة : معاكوا معنديش مشكلة

عبد الله : وانتى يا هاجر يلا معدش غيرك

انا : حاضر حاضر هفكر

عبد الله : تفكرى انا ماشى يا هاجر

انا : خلاص هروح بجد

عبد الله : الله عليكم.. يلا سلام اشوفكم بكرة على 8 الصبح كدة

انا : يا دى النيلة فى الاجازةى وفى الدراسة صحيان بدرى

هدير : هنروح المكتبة ياى

وفعلا تانى يوم الساعة 8 الصبح رحنا المكتبة

بس المفاجأة مش شفنا عبد الله خالص

______________________________

يا ترى لية ؟

دهاللى هتعرفوه المرة اللى جاية استنونا

جهاد محمد وافتخر peace