الجمعة، 11 مارس، 2011

سمر : برصى يا ستى

بدأ الموضوع من واحد من الفرندس بتوعى
انتى عارفة لو قبلتى ولد واحد كل الولاد هتفتكرك بتكلميهم عادى

فانا قبلت ولد وجر وراه التانى والتالت والرابع

لحد ما جه اللى صاحبته

ففيوم كنت كاتبة استاتيوس انى تعبانة اوى من الدنيا وعاوزة انتحر

كنت كتباها الساعة اتنين بليل

اتنين ودقيقة لقيته بيكلمنى
انتى متضايقة ليه

الحياة حلوة .. بس اهدى

فى الاول بينى وبينك كنت مقررة انى مش هصاحب تانى ولا هحب والكلام ده

وقولت ان انا وهو فرندز مش اكتر

بس يوم ورا يوم كان الكلام الللى بينا بيزيد وهو كان بينصحنى كتير وخصوصا انه اكبر منى

عارفة يا هاجر احساسك لما تلاقى حد خايف على مصلحتك اكيد بتحبية ولا اية؟

انا : اكيد

سمر: المشكلة انى اتعلقت بيه اوى اوى

كنت بستناه يفتح علشان اكلمه
وايا غيابة كنت بقعد لوحدى اعيط اعيط واقول اكيد عملى بلوك او هو مشغول مع واحدة غيرى

لحد ما جه يوم وقلت له انا بحبك

وهو رد وقال وانا كمان

انا : "يا سلام" انت اللى بدأتى؟

سمر : صدقينى لما بتحبى حد وتكونى خايفة يسيبك بتعملى اى حاجة

انا : بس اللى اعرفة انك لما تحبى حد لازم تكونى واثقة فية .. وكونك انتى خايفة يسيبك او يحب غيرك ده معناه انعدام الثقة

سمر : لما تحبى حد على النت لازم تكونى خايفة منه وعليه

لانه يا بنتى انتى متعرفيش اصلة الحقيقة ولا حاجة عنه مجرد كلام بيكتبه

وممكن يكون نقله .. يعنى مش ينفع انى اثق فيه ثقة كاملة

انا : كلامك متناقض جدا .. منين انتى بتحبيه ومنين انتى خايفة منه ومش واثقة فيه

سمر : يا بنتى ساعتها انا كنت متعلقة بيه وبكلامه لانى كنت صغيرة بس بعد التجربة اكيد اتعلمت

انا : "صغيرة .. ماشى هعديها" كملى يا ستى

سمر : يومين بعد بحبك وطلب نتقابل

رفضت فى الاول كتير وبعدها وافقت

طبعا هتسألى لية .. وهقولك مش عارفة انا وفقت ليه على الرغم من رفضى الاول علشان منبقاش متصحبين

المهم قابلته وقالى انه صاحب قبلى كتير بس حبنى انا وانه اول ما انا اخلص دراسة يكون هو كون نفسسة واستعد

وهيجي يطلب ايدى

انا : وانتى صدقتى
سمر : وقتها اه صدقت

بس فى الاول كان هو بيقول كدةعلى طول

بس لما جه اليوم اللى قولت له فيه انى صاحبت مرة قبلة

اتغير كل شئ وبدأ يعاملنى ولا كأننا متصاحبين مش بنحب بعض

فانا لما حسيت كدة قولت لا اغيره احسن

انا : والتالت

سمر : نفس الحوار

والرابع واللى بعده من الواقع بقى

انا : لية هو فيه رابع

سمر : متعديش محمد هو صاحبى دلوقتى

انا : محمد !

سمر : ماله وحش ؟

انا : عادى مش اعرفه

سمر : والله طيب

انا : بس قالى انه مش هيتجوز اللى كان مصاحبها

سمر: والله هو قالى العكس بس مش فارقة معايا عادى يعنى

انا : "يا ربى على البرود" امال ايمان مالها

سمر : اصها مصاحبة واحد اسمة خالد وهى عارفة انه بيصاحب كل يوم واحدة
فزعلانه منه بس هى هبلة تصاحبه ليه مشهيكمل معاها كتير

انا : خالد ده قمر كدة وصوته حلو .. وقدنا فى السن

سمر : اه هو قمر وصوته حلو وقدنا

انا : وكان مصاحب 3/4 من مدرستى

سمر : هو بعينه .. انتى تعرفيه

انا : عز المعرفة "ده حبيبى" .. بس قوليلى بدأوا ازاى واقضى عليه ازاى

سمر : بدأوا دى زى اى حد بس هقولك تقضى عليه ازاى

______________________

وعلشان انا هقضى عليه وهبقى شريرة انا هقفل على كدة

نيهاهاهاهاهاهاهاه

جهاد :)

هناك تعليقان (2):

  1. انا لو مكانك أأنتم مع الواد خالد ده ... وبلاش كلام فاضي الواحد لازم يصاحب اومال ايه :D

    ردحذف
  2. تاني خالد دا المفروض يبقي اسمه الدنجوان خالد

    ردحذف

بجد رأيك يهمنى وهيشجعنى علشان اكمل مشوارى ...