انا .................. انا الخضرا الشريفة " اه والله اصلهم بيقولوا عنى كدة "
بدأت قصتى لما دخلت الاعدادية <<كل اللى قبل كدة ملوش اى 30 لازمة اين ترعرعت واين ولدت وحاجات كدة>>
المهم نزلت ساحات الطالبات وشوفت اشكال والوان من البنات ، دخلت عالم الدروس الخصوصية عشت فى وسط ناس "يا رب انساهم يا رب"
حاجات غريبة جدا بنات فى قمة الذكاء وعلى قدر عالى من الجمال وماشيين مع ولاد ولا ليهم اى منظر
وطبعا العكس صحيح ..................... بدأت اسال لية " الموضوع جديد عليا بقى" مش حرام يا جماعة ولا انا مش واخدة بالى ولا اية
<< يا ريتنى ما سألت كان يتقطع لسانى >> لاقيت كل العيون عليا وكلام محدش يحب يسمعه وليه وليه بقى حرام هما بيعملوا حاجة غلط
" الحق يتقال مكنش فيه حاجة غلط غير مسك الايدين واللعب فى الشعر والتسبيل بالعنين بس"
ويادوب هشرح موقفى لاقيت نفسى لوحدى << ما انا معارضة بقى >>
احباط رهيب لا يوصف
اول يوم فى دروس الاعدادية بوظت الدنيا والكل ماشاء الله كرهونى .......... ولكن لان الله رحيم بعباده بعت لى بصيص من الامل
صوت "رائع" بيقول :- معاكى حق على فكرة دول بايظيين <<انا سمعت الكلمتين دول قولت اوبا المستر وخصوصا ان الصوت كبير حبتين>> رفعت عينى فى الشخص ولاقيت ماشاء الله "قمر قدام عينى" <<وطلع زميل الحق يتقال ساعتها فكرت اصاحب هههههه>>
احم احم ، المهم ابتسمت ابتسامة "صفرا" ومعلقتش ... بس هو كمل الكلام "وبعد تكملته لاغيت فكرة الصحوبية تماما ورجعت تانى زى ما انا" البية اضاف :- بكرة تبقى زية كلكم بتقولوا كدة فى الاول ، يوم ولا اتنين وهتلاقى نفسك بتأنتيمى انتى كمان ... كلكم زى بعض مش بتفرقوا كتير يعنى .
اه يا ابن التيت "طبعا قولت له كدة بس فى سرى " والحقيقة كنت هرد عليه بس دخل المستر "انفذوه من ايدى" بدات المجموعة ، والحمد لله بسبب كلامه "مركزتش فى ولا كلمة من اللى قاله المستر" ماشاء الله عليا ابدعت من اول يوم .................
الله يسامحه بقى الحلقة اللى جاية هتعرفوا هيكون قرارى اية
اشوفكم الحلقة اللى جاية
جهااااااااااااااااااااااااد محمد
انا مش هتكلم كتير لان فى حاجات كتير اوى اقولهالك
ردحذفخليكى على كده يا جوجو بس خساره بكره تقولى بودى قال انتى مش هتكملى بالطريقه دى اقهميها زى ما تفهميها بس انتى هتصاحبى قريب وهتحبى
ههههههههههههههههههه حب اية اللى انت جاى تقول عليه
ردحذفهههههههههههههههههههههههههههه
ماشى يا بودى الايام هتسبتلك انى مش هصاحب
بس اكيد هحب لانه هيكون غصب عنى الحب مش بأدينا للاسف
منور يا بودى
انا معاكي يا جوجو ... ومش هصاحب
ردحذفغير لما الاقي موز احلامي <<< متقلقيش بهزر
بس معاكي والله ... والي الجهااااااااااااااااد :)
المشكله يا جوجو ان لما حد يلاقي بنت مش مصاحبه كا حلتي برده ههههه بيحسوسوكي كانك حاجه غربيه في بنات كده و ان انتي مش تبعهم ولا كانك بنت زيهم بجد الصحوبيه دي بقيت دلوقتي حاجه عاديه و معتاده عند كل بنت
ردحذف